記住要用腦呀

昨天(1月27號)看明報有關油魚的報導
李超人有以下回答:

香港人呢，要有頭腦，入口一大堆，好多人、好多人、好多商店都有賣，我們自己(集團)每間公司有自己的答覆，但我希望呢，要用腦筋諗諗，其實唔係淨係百佳賣，係咪？

原來係咁
即是如果:

Scenerio 1:
某某考試出貓
給考官捉到
那就可以跟考官講:

做考官呢，要有頭腦，考生一大班，好多人、好多人都有出貓，我們自己有自己的答覆，但我希望呢，要用腦筋諗諗，其實唔係淨係我出貓，係咪？

咁係咪就唔駛俾人取消資格?


Scenerio 2:
某某駕車超速
給交通警捉到
那就可以跟交通警講:

做交通警呢，要有頭腦，駕車者一大班，好多人、好多人都有超速，我們自己有自己的答覆，但我希望呢，要用腦筋諗諗，其實唔係淨係我超速，係咪？

咁係咪就唔駛俾人扣分兼罰款?


Scenerio 3:
某某在互聯網上載最新流行歌曲和電影
給海關捉到
那就可以跟海關講:

做海關呢，要有頭腦，上載者一大班，好多人、好多人都有上載，我們自己有自己的答覆，但我希望呢，要用腦筋諗諗，其實唔係淨係我上載，係咪？

咁係咪就唔駛俾人告?


原來有好多人陪你一齊錯
呢個就唔算係錯
有無錯原來係在於有無其他人同你一齊做相同0既錯事
而唔係在於你所做0既係唔係一件錯事
難道有人一齊錯就可以推卸責任?
無錯
唔係淨係你一間超市賣
咁又代表乜0野?
係咪咁就代表你無錯可以唔駛負責任?
唔知係邊個無用腦呢?
錯就要認
打就要企定呀超人

賭

從小到大圍繞自己的家人和親戚都喜歡賭
最沒有興趣的就只有我呀娘和兩個舅母
麻將、天九、啤牌、跑馬、跑狗、彩票、賭場... 什麽都玩(賭)一餐

我發現我自己有很強的賭博因子
贏了會想贏更多 (個心忽然間會雄起來)
輸了會很不忿的想把輸掉的全贏回來

不過講開又講
如果齋打麻將不賭錢的話
這真是一個可以鍛鍊腦筋和EQ的運動
而且我發覺運氣真的很重要
章法還是其次
摸得一手爛牌任你章法幾高都無用
就算叫幾飛牌都食唔出

必做的事

現在有很多書是講多少歲前必做的事
我覺得一個人一生必須要做的事不多
其中一件是如果有能力有機會的話
畢業後找到工作前最好去另外一個國家一段時間體驗一下
甚麽國家也好
只要不是自己熟悉的就好
體驗並不是去兩個禮拜shopping和找好東西吃那麽簡單
而是真正認識一下那個地方的文化和生活習慣
這樣眼光才會遠大
最好去幾個月
去太短時間根本不能做到甚麼
當出來做事後
很難會有這個時間
除非有誰可以保證我停下工作幾個月以後立刻可以找到一份好工
而這幾個月沒有收入我家還能維持到生活

耳聽平井堅, 眼看こげぱん

這個禮拜每晚睡前做的兩件事:
一面聽平井堅的精選雙cd
一面看こげぱん的有關去沖繩的漫畫

平井堅的精選雙cd超正
尤其是第二隻
他的歌已成爲我最新的安眠曲
現在我腦中還哼著 "I wanna be a pop star..."
我最喜歡就是這一句:

恋に落ちたら誰もが誰かのpop star

沒錯
戀愛中任何人都是某某的pop star
情人眼裡出西施嘛

こげぱん的漫畫因全都是日文關係所以看得很慢
不過這樣我便可以趁機練練日文了
那些"麵包"很可愛呀!!!
看見那些日本餐就口水流了
很想去沖繩呀
又有陽光與海灘又溫暖
這裡很冷呀~~~
那邊一月就有櫻花
就是現在啦
很想去看呀~~~


p.s. V - thank you for the cds and comic book

當痛變成習慣

星期五早上在公司拿東西落樓梯時跣腳
向下跣了兩級
尾龍骨近pat pat處撞落樓梯級邊
要坐著近一分鐘才能站起來
幸好有另一同事同行
否則都不知要多久才能返回公司

醫生說可能只是尾龍骨最尾一節受了小傷
因為我不是痛到死去活來
可以不需照X光
因就算知道是裂了
也沒有甚麼可以做
又不能打石膏
只能等那節骨自行痊癒

這三天因有服止痛藥關係
也不是覺得十分痛
只不過不論我是甚麼姿勢都有點點痛的感覺
而當要坐低、起身和彎身時痛楚會增加
但痛得太長時間就變成習慣了

好勁呀

今日看完明報跟劉若英的訪問後
才真真正正見識到甚麼是"歲月沒在臉上留下任何痕跡"
單看著她的照片
根本不可能猜得對她的年齡
有誰能看得出她還比古天樂大3歲?
有誰能看得出她只比劉德華小6歲?
一個字: 勁
兩個字: 厲害
佩服佩服

剪短煩惱絲

本來... 本來我真的想留長頭髮
但最終都不能忍受頭髮在我頸上的感覺
昨天將頭髮剪短了
也做了colour
回到家
呀娘看著我的頭說: 咁樣剪好咩?
我知她的意思是: 這不好看呀
我還未想到怎樣回答
她就說: 我知你個頭似邊個... 似呀徐濠縈呀~~
唔係下化...... *_*;
好似唔係好同喎...

2006年我最喜愛的歌曲

我在2006年聽的歌已經很少
比2005年的更少
要在當中選出喜愛的並不容易
不過我在下半年聽多了些國語歌
不像以前獨沽一味只聽廣東歌

*******************************************

摩登時代 - 容祖兒
"摩登時代"是差利卓別靈的一套默劇
在讀大學時有看過
這首歌的歌詞是指一對情侶之間無0野講
兩人在一起比默劇還要靜
這種情況真的很恐怖

最佳損友 - 陳奕迅
"最佳損友"跟"落花流水"之間
我選擇了前者
但其實兩首歌我都很喜歡
至於新歌"富士山下"
我只會排在這兩首歌之後 (甚至可能會更後)

約定 - 光良
這歌令我想起"我的野蠻女友"的其中一場戲
想起男女主角約定再見的那個地點的那棵樹

Kong - 側田
不知何解
很喜歡這兩句歌詞:
縱是遺憾收場
都必需跟你明刀明槍

分手 - 廖碧兒
廖碧兒唱歌不算太好
不過這曾經是我repeat又repeat聽的一首歌

黑白配 - 范瑋琪
簡單的melody
簡單的歌詞
簡單的編曲
很舒服的一首歌

退後 - 周杰倫
總不成整張"依然范特西"的歌都放在這裡
所以選了最初聽完之後自己最有印象的歌

笑忘書 - 張敬軒
第一次認認真真地聽屬於張敬軒的歌是"老了十歲"
之後再聽"過雲雨"、"餘震"跟"笑忘書"
覺得"笑忘書"最吸引

紅綠燈 - 鄭融
好易上口呀
鄭融把聲唔錯

愛才 - 衛蘭
覺得最近衛蘭唱歌時扭音的次數減少了
亦變得順耳多了

********************************************

有些歌不是在2006年推出
不過自己在2006年才知道或對這些歌有感覺:

痴心絕對 - 李聖傑 (2002年)
唱k時聽到
之後就變了"賣飛佛"

我難過 - 5566 / 周傳雄 (2003年)
我以為
是成全
你卻說你更不愉快
有時我們以為自己所做的是為對方好
怎料竟是好心做壞事

戀愛ING - 五月天 (2005年)
看台灣節目時聽到
令人很易high的一首歌
一班人一齊唱肯定會high爆

獻世 (Live) - 周杰倫 (原版: 2004年)
第一次聽覺得周杰倫的廣東話發音很得意
第二次聽就覺得他的廣東話其實都算ok
這歌被很多人唱過 (陳小春、容祖兒、李克勤、鄭伊健)
不過不知是否我特別偏愛周杰倫
他的版本我聽得最有feel

勇氣 - 光良 (原版: 2000年)
聽完又想再聽 (光良版本)
唱完又想再唱 (梁靜茹版本)

Dragostea din tei - O-Zone (2003年)
年前已知道有這首歌
但今年才令我越聽越high