留下只有思念

似水流年~梅艷芳

曲：喜多郎
詞：鄭國江
編：Richard Yuen

望著海一片
滿懷倦
無淚也無言
望著天一片
只感到
情懷亂

我的心又似小木船
遠景不見
但仍向著前
誰在命裡主宰我
每天掙扎
人海裡面

心中感歎
似水流年
不可以留住昨天

留下只有思念
一串串
永遠纏
浩瀚煙波裡
我懷念
懷念往年
外貌早改變
處境都變
情懷未變

新癮

你0係屋企淨係上網咋?
你顧住上癮呀!!

我相信自己無上癮
上網對我來講就好似睇報紙咁
每日都會做
如果無得睇會唔知點咁
但就未至於無得睇就會死

我承認我會忽然對某種事著迷
時間長短連我自己都控制唔到
就好似呢兩日咁
我諗我拔唇毛同埋拔兩條眉中間d毛拔上癮
聽落好變態咁
雖然係好痛
但拔完之後新長出來d短毛實在好礙眼
所以唔抵得又拔過
但我相信好快我就唔會咁做
因為我個人實在好懶

新版本blog

個blog終於換了新版本
加了labels
但最衰整唔走上面條bar

估你唔到

娘: 下一次播套劇好似幾好睇喎
我: 係乜0野劇呀?
娘: 我唔記得個名呀, 不過係呀... 呀... 呀任達華做0架
我: 任達華???!!! 台灣劇????
娘: 唔係呀, 香港0架
我: 亞視0架???
娘: 亞視?? 唔係呀...
我: 等我去睇0下本電視書先~~~

一睇~~~ 原來係"人間蒸發"!!!!!

我: 哎呀, 唔係任達華呀, 係苗僑偉呀!!!!!
娘: 0下, 都係差唔多0者
我: (點樣"差唔多"法呀????)

*************************************************************************

電視上播出"流星花園"片段

爸: 呢個係大S定係細S呀?
我: 大S
娘: 係咪即係結0左婚0個個呀??
我: (嘩, 咁犀利, 咁都知???) 唔係, 0個個係細S, 大S咪同呢4個裡面其中一個拍拖囉
娘: 係咪同高0個個??? (言承旭)
我: 唔係呀, 另外一個
娘: 同呀仔仔呀?
我: 嘩, 你竟然知道仔仔?????
娘: 0車, 仔仔都唔知????

呀娘, 真係估你唔到呀!!!

反常的一天

反常0既其實唔只係今日
而係到現時為止0既呢個12月
無雪都算喇
但有零度以上氣溫就真係唔正常
今日仲離譜到有13度
雖然我唔會對呢種天氣有投訴或抱怨
但係就絕對唔覺得係一件值得高興0既事

k歌

成日聽到樂評話香港樂壇太多k歌
似乎k歌唔係d咩好0野
其實k歌有乜問題呢?
乜0野先至唔係k歌?
隻歌易上口又容易入耳有乜唔好呢?
係咪要一般人唱唔到先至叫做好歌?
0個d 7、80年代而家我0地所講0既經典金曲
當時人人都朗朗上口（什至而家都係）
melody又容易記
只不過以前無卡拉ok 0者
咁點解當時0個d歌又唔會俾人話呢?
係咪因爲當時無卡拉ok
無"k歌"呢個term呢?

k歌度度地方都有
歐美日本臺灣韓國大陸
有邊度無k歌?
只不過人地有大量其他選擇罷了
我諗香港樂壇唔係太多k歌
而係歌曲0既種類唔太多
就算有都比人叫做alternatives
而且又唔太令香港人受落
但係呢個唔關k歌多或少0既事呀

一首流行曲唔流行
個個都唔聽
又個個都唔識唱
仲叫做流行曲嗎?

xx帶耳環

呢兩個禮拜天氣一d都唔似12月
有零上氣溫
好舒服~~~
照咁睇只要凍多兩至三個月就ok啦~~~

有一條問題我想問好耐
就係點解而家咁多男藝人只係帶耳環0係左耳度???

外語

雖然自己的語文能力不高
學習語文的資質天份也不高
但就對外語有興趣
讀初中時想過學法文
當然那時只是"想"學
並沒有任何實際行動
前陣子當我還常常用ICQ的時候
認識了一些台灣人
當時也有衝動去學他們的注音符號
連相關的網頁也找到了
但看見比日文假名還多還怪的注音符號
我就放棄了
而自己的起心肝自動去學的外語只有日文

這陣子看多了台灣電視節目
又覺得台語很有趣
所以又在網上找了些相關資料
不過話又說回來
原來我自細就聽慣聽熟一句不知是台語或是客家話的東西
就是出現在周杰倫的《雙截棍》的"怎么該，怎么該"
這是我老豆以前常講的
但不知從甚麼時候開始就少講了
所以我在聽《雙截棍》時沒有留意
但最近他又有在講這句話
我就想起《雙截棍》

在我最近看過的台灣電視節目中最常聽到的
就是"ㄍ一ㄥ"
讀音就近似廣東話的"堅" (要拉長少少音)
是"矜持"或者"硬撐"的意思

除了"ㄍ一ㄥ"
就是"歹勢"
讀音近似"pai (派) sei (蛇)"
意思是"不好意思"、"抱歉"、"對不起"

另外我又發現幾個有趣的火星文:

• PH指數 -- PIG HEAD指數 (豬頭指數)
• 好賭又賭! -- How do you do
  
• 英英美代子 -- 閒閒沒事做
• 宮本美代子 -- 根本沒事做
  

不是我吧...

爛

糟

糗

瞎

遜


我... 近來看得太多youtube
上晒腦啦

流感針

今日去了打流感針
希望這個冬天我們一家都會過得健康快樂~~~


p.s. 113

死硬派粉絲

前晚上了某台灣藝人的fans為他所做的一個論壇
這位藝人真的算很有心
半年內曾留言40多次
而且每次的留言也不是敷衍了事
我想沒有多少藝人會花這麼多精神和時間這樣做
其中有一篇是他寫對某地的fans為他所做的事的一些想法和感覺
當中負面的感覺比較多
我看之前並不知當中的來龍去脈
之後其中一位fans覆了
而且是詳詳細細地覆了
再之後那藝人也再覆了
看得出當中有太多的誤會
亦看得出一個藝人所想所要的和一位fans所想所要的是極之不同

我總覺得藝人跟fans的立場不會是一樣的
看了那幾篇藝人和fans的留言
我替那位fans辛苦之餘
也替那藝人辛苦
如果我是那藝人的話
我可能已經被煩死了

對於一些太過熱情的fans
每逢有任何活動都又做banner又做燈牌又叫又嗌
藝人去哪個城市也要想盡辦法跟著去
我是十分之不能理解的
為甚麼會對一個不認識自己的人可以那麼瘋狂?
為甚麼可以花上自己大部分的時間金錢在一個不認識自己的人身上?
究竟他們是為的是甚麼呢?
上面的fans曾說過只是為了讓更多人知道有這樣的一個藝人
想令那藝人更加紅
但就算給全世界知道了, 認識了
那又如何呢?
我的意思是: 那藝人根本不是那fans的甚麼人呀
那位fans這樣做對她自己有何意義呢?
為甚麼她不把這些精力留給自己和自己身邊的人呢?
我實在是很難理解
可能她已當了那藝人的fans很長時間
那位藝人對她也算是認識的
但畢竟這個仍是fans跟藝人的關係
連普通朋友的關係也算不上呀
她和她身邊的fans所做的已遠遠超越了一般fans所要做的事
而這只會弄巧反拙
藝人和fans到最後只會變得更不愉快

自己從小就覺得追星是一件很浪費時間的事
只是會買買cd和演唱會dvd (之後反覆地聽反覆地看)
又或者是去看電影或live
最多看live時會看得很投入很癲
如果好彩在街上遇到的話也會八八卦卦去看一下
但不會瘋狂到要想盡辦法去見他跟他
總覺得藝人和fans應該保持一定的距離
這樣才會有fantasy
如果跟自己喜歡的藝人認識了
那只會變成一個奇怪關係

新手機

我一向都不喜歡貪新厭舊
手提電話也不例外
以前轉電話都是因為自己的電話好像已命不久矣
迫不得以才要換

以前揀機如選美
靚仔行先
可惜靚仔都只是得個樣
用後才知缺點多多
今次買了N記的深紫色電話
希望它會長命些
不要太快離開我
兜兜轉轉
差不多10年後又重投N記懷抱
希望N記不會令我失望

你很台

看台灣綜合性節目
最困難就是他們無情情彈句台語出來的時候
不知道他們是否從小都有接觸台語
我聽得懂的只有: "我"、"是"、"不"和"的"這幾個單字 :p

還有常常聽到他們說某某"很台"
一直都不知道是甚麼意思
之後我上wikipedia
終於知道原來:

你很台指稱你很粗俗、不時尚之意

但到了近年:

一些自認為新台客代表‧‧‧‧‧‧自認為新台客代表有活力、具有台灣特色等意義，企圖以搖滾演唱會的方式取得台灣的年輕一代之支持，啟動台客的文藝復興‧‧‧‧‧‧自稱自己「很台」成為自我調侃、謙稱自己不懂流行的說法。

而"台客"的由來:

1950年代到1990年代，台客是指本省人很粗俗，1990年代末期開始轉變為臺灣人之中沒有水準者。

1990年代末期，一些都會型藝人（外省籍）如SOS姐妹、蔡康永開始推行台客轉化運動，將台客原本定義－「外省人認為本省人粗俗」，轉化為「粗俗沒水準的台灣人」

而到了近年:

有人認為台客一詞已漸失貶意。認為「台客」反而成為一種「自我揶揄」的名詞。

好了
看了一大篇的解釋
我好像還未真正知道"台"是甚麼意思
看一些中國大陸訪問台灣藝人的片段
在字幕中
他們將"台"譯成"土"
但我又覺得不是單單指"土"

那就看看一個台客選舉的結果吧:

2005年，中廣響應台客搖滾演唱會，曾舉辦「台客大票選」活動。結果以吳宗憲獲得第一，初「推動」台客一語復辟的小S名列第二，周杰倫則為第三。部份媒體認為「顯然台客一詞已經去污名，成了流行代名詞。」

但看完之後
更加一頭霧水
究竟這個"台"字是褒還是貶呢???

台客 - wikipedia: http://zh.wikipedia.org/wiki/台客

純粹記錄

這兩個星期看了很多台灣的綜合性娛樂節目
低低能能搞搞笑
想開懷大笑時看這些節目是挺不錯的

不過我想寫的是我在這些節目中聽得最多的就是"把妹"這個詞
即是廣東話的"識女仔"、"追女仔"、又或者"溝女"的意思
"把"是個動詞

沒甚麼特別原因
只是想記下來
因我之前從未聽過/見過

心情記錄

星期五晚上:

週末有甚麼地方想去?
看天氣報告說好像會下雨, 天陰陰, 沒心情出街
哦...

*********************************************

天氣變幻莫測
星期六雖然不至於陽光普照
但就沒有預測中的下雨

自己的心情一向很受天氣影響
星期六起床時雖然天陰陰
但我卻有很想去街的衝動
所以便獨自一人出街
雖然只是一個人一邊聽mp3一邊走
但感覺非常良好
很enjoy
雖然面上沒有笑容
但那種愉快的感覺是由心發出的
我可以感受到自己的心上面有一個"哈哈笑"的樣子

好色

前兩天回家的時候下了點雨
但同一時間又出現陽光
那會有什麽事情發生呢？
沒錯，就是會看到彩虹
那是一條很大的彩虹橋
七種顔色都很明顯
可以看得很清楚
尤其是可以很清楚的看得到對我來説是最難看得出來的紫色
本來之前有想寫自己對顔色的感覺
但因爲用日文寫的關係
所以遲遲還沒完成
(都已經是一個月之前的事了，頭是開了，但可惜爛尾哩)

紅
我第一時間想到的是番茄
小時候的我是不吃番茄的
因覺得它的味道很怪
但成年之後就慢慢的喜歡它
現在甚至愛上它
差不多大學畢業的時候有朋友對我說女人年紀大了就喜歡穿紅色
不過應該沒有什麽根據
我沒有很多紅色的衣服
但紅色的高跟鞋倒有一對

橙
對這種顔色沒有甚麽感覺
現在我呀娘想買某牌的手提電話
要橙色的
不好意思
我真的覺得很老土
希望她不要買

黃
我一向覺得黃色的車很型
是那種鮮黃的，檸檬黃的那種
就好像是黃色的mini呀，或者是黃色的audi

綠
跟橙色一樣
對這種顔色沒有什麽感覺

青
這顔色只會令我想起瑩光筆

藍
自己很喜歡的一種顔色
基本上如果買東西要選顔色的話
我九成九都選藍色
因爲比較容易配襯
而且我覺得藍色很好看
尤其是粉藍
我很多衣服都是藍色
所以如果要猜我穿的衣服是什麽顔色的話
猜藍色多數沒錯
藍色也會令我想起藍天白雲和大海
因此藍色也會令我很relax

紫
在teenager時候非常喜歡的顔色
其實現在依然喜歡
尤其是淡紫色
紫色也令我想起薰衣草和毋忘我

**************************************************************

除了彩虹七色
還有其他顔色

啡
買鞋子喜歡買咖啡色
好像上身穿什麽顔色的衣服都可以襯得到
又沒有黑色那種死板板的感覺

粉紅
粉紅色的衣服也有很多
因爲比較容易襯其他顔色
但自己本身不是特別喜歡這個顔色

黑
teenager時候除了喜歡紫色
就是喜歡黑色
因爲穿黑色衣服時看起來比較瘦
曾經試過整個人穿的衣服都是黑色

白
白色只會令我想起廚房
因爲從小到大我家的廚房都是白色

灰
灰色會令我很無心機
就好像看見灰灰的天一樣

金 & 銀
不是很喜歡金色
如果只有金色和銀色可以選的話
我會選銀色
尤其是磨砂面的銀色

聲

最近不停地聽周杰倫(新歌和舊歌都有)
新碟很好聽
比上一張好聽多了
是"依然周杰倫"吧 (he is back, finally...)
其實我就是喜歡他這個style
希望他可以把這個style繼續保留下去
我最喜歡的就是"千里之外"、"退後"和"菊花台"
沒錯，我依然是喜歡他的慢歌
他說"千里之外"如果沒有費玉清的話
會是很普通的一首歌
不論這是不是客套話
我倒是十分贊同的
這首歌他的聲音真的是比下去
變成了background music的一部分
(或是費玉清的聲音實在太強了?)

聽他的新歌之餘還有重看他的演唱會
(都已經是兩年前的演唱會啦，什麽時候會再開呀？？？)
一看，嘩，真的不得了
因爲已經不能停下來了
他的聲音真的是很unique的
説話的時候沒什麽
只是陰聲細氣
但一到唱歌他的聲音就變得很有power，很有爆炸力
他的range可以去得很高
而且是用真音呀
我覺得他跟王菲有一點相似
王菲説話聲音也是很小
但一到唱歌時就很有力
而且他們兩個的歌都一定要由他們自己來唱才有味道
其他人來唱會怪怪的
而且會變得很普通
沒有那種特別的，有風格的感覺
總之是變得什麽feel也沒有就是了

說起說話的聲音跟唱歌的聲音不同
就想起日本樂隊L'arc~en~cial
它的主音hyde唱歌的聲音也很特別
從他説話的聲音是想像不出來的
他説話的聲音只是一把很普通的男人聲音
但在唱歌的時候他的聲音就會變得很奇怪
他的聲帶就好像扭毛巾一樣變成另外一種聲音
其實最初我聽他的時候是覺得很難聽的
但之後就被吸引了

神真的不會擲骰子嗎?

這兩天把"神はサイコロを振らない"這套劇看完了 (my link)
"神はサイコロを振らない" - 中文即是"神不會擲骰子"
亦即是愛因斯坦所說過的"God does not play dice with the universe"

神真的不會擲骰子嗎?
我相信祂不會的
我沒有甚麼宗教信仰
所以對我來說應該是"主宰不會擲骰子"
我相信有主宰
我也相信一切都是預先安排好的
但是誰安排我就不知道
所以我只可以說有主宰

我相信事有因果
那有偶然嗎?
有的, 但我相信這也是安排好的偶然
那自己可以改變命運嗎?
基本上我不相信自己的命運可以很容易地隨意地去改變
當然有些事自己做了可以令自己以後好過點
但為什麼我會選擇去做, 而不選擇不做呢?
我認為這就是我命中注定的

就好像為什麼我會在blogger開這個空間寫這些東西呢?
這就是一早已經注定了

一秒後甚麼都變成歷史

心裡有點兒抗拒"愛得太遲"這首歌
很大原因是因為那主唱者
在我心目中
這種message的歌是reserve給陳奕迅的
但這歌有一句歌詞很"中"

只差一秒
心聲都已變歷史

很多時候
自己有一些感覺或心事想跟人傾訴/分享
或只想單純的記下來
但因種種原因無法即時做到
到可以做的時候
事情已經過去了/解決了
感覺已經消失了
已經不需要說出來或無必要說出來了
其實說出來又好
寫出來又好
這只是一種發洩方式
只想將心裡的"石頭"搬出來
奈何不能將它們即時搬出來的話
就唯有內置一部"碎石機"
自己將"石頭"打碎再分解吧

10年問題

10年是一個很特別的時段
很多事好像每10年就來一個循環
也有很多人視10年為一個重要的milestone

之前生日時自己也曾寫過一些對10年的感覺
覺得雖然10年永遠都有3652.5日
都有87658.13小時
都有5259487.66分鐘
都有315569260秒
但對我來說
在不同的一個10年
時間流逝的速度都不一樣

這幾天看了一些有關日劇的sites
發現今年年頭有一部日劇 "神はサイコロを振らない"
是講述一班民航機誤進了類似時光黑洞的空間
機內的乘客和機組人員在機內渡過了一段很驚險的短時間
地球上的人以為他們都消失了
這段短時間在地球上來說就是整整10年

上這劇的official site
看到以下的問題
自己不禁問問自己
會有甚麼樣的答案呢?

10年前のわたしからの質問
(10年前的自己所發問的問題)

10年前に愛していた人を
今でも一番愛していますか？
(10年前所愛的人, 現在仍然是最愛嗎?)
不是了
已忘記了...

10年前にがんばっていた仕事を
今も続けていますか？
(10年前努力做的工作, 現在還在做嗎?)
10年前還在讀書
不過自畢業到現在只做過兩份長工

10年前いつも一緒だった友達は
今も一番の親友ですか？
(10年前在一起的朋友, 現在還是最親的朋友嗎?)
有些是, 有些不是
因為有很多已經各散東西了

10年前泣いた映画で
今も泣けますか？
(10年前令你流淚的電影, 現在看還會落淚嗎?)
不肯定
但應該都會
我還是一個易哭的人

10年前楽しみだった誕生日は
今も楽しいものですか？
(10年前令你期待的生日, 到現在還是一件快樂的事嗎?)
10年前的生日
我已忘記怎樣過了...

10年前に星を数えた夜空を
時には見上げていますか？
(還會抬頭細看在10年前數過星星的夜空嗎?)
會的
因我喜歡望天

10年前にしていた恋のとうに
今もトキメクことはありますか？
(10年前談過的戀愛, 現在還會令你心動嗎?)
其實, 是會的...

10年前になりたかった自分に
今なっていますか？
(10年前自己希望成為的自己, 現在已變成了嗎?)
唔... 還未有呢...
其實那時並沒有很認真想過這個問題

10年前に探していた自分の居場所は
みつけられましたか？
(10年前自己尋找的居所, 已找到了嗎?)
即是理想居所嗎?
還未呀, 正努力儲錢

10年前の正義感や情熱を
今も持ち続けていますか？
(現在還擁有10年前的正義感和熱情嗎?)
應該還有的

10年間
精一杯生きましたか？
(這10年間, 有盡自己最大的努力去生活嗎?)
我只可以說我沒有過得很頹廢
但並沒有真的盡最大努力

隨意寫的東東

秋天來了
冬天還會遠嗎?
其實每年一到這個時候
我都有同一個希望
就是今年的冬天不要太多雪不要太多冰雨
同時希望冬天很快會過去...

今天在公司
一邊喝著玄米茶
一邊發白日夢
想著如果自己有8個星期可以去日本
會去甚麼地方
這個幾乎不可能實現的事
只可以在白日夢裡出現
最終被同事的說話聲把我拉回現實

很久沒有寫東西了
不是有甚麼特別原因
只是沒有想寫的心情
好幾次log in了
但最終都沒些下一個字就log out

週末把舊雜誌執拾好
將有用的資料剪下來保存
其餘的通通丟掉
這樣剪剪貼貼就花了我6個小時
還以為會很快完成

sunrise sunset

這是心理測驗其中一條很popular的問題:

你鍾意日出抑或日落?

通常選"日出"的話
就代表那個人樂觀
相反"日落"就代表悲觀

我從小到大都喜歡日落多於日出
一來我太少機會見到日出
二來我覺得日落實在太吸引了
看著太陽慢慢降下
感覺上就好像看著宇宙間的星體慢慢運行一樣
是一種很奇妙的感覺

活了這麼多年
只看過一次日出
是4年前參加了一個local tour去美國Michigan
因要很早去出海坐船
所以天未光就去食早餐
去的時候天還是全黑
還能看見繁星點點
大概半小時後
差不多把早餐吃完時
我突然向窗一看
看見微白的天混著淡紅、淡橙和淡藍色
我不禁大聲地嘩了一聲
因所看到的實在是無法想像
很可惜因太趕時間關係我並沒有將那景色拍下來

雖然如此
我還是喜歡日落多一點

尻 - 不一定是粗口

真的是才疏學淺
聽劉天賜先生講
原來"尻"不一定是粗口
只是看你怎樣用吧

"尻" - 中文的意思是尾龍骨
音是"溝"但聲母是發"g"音
日文的意思是pat pat (臀部或肛門)
讀"コウ"或"しり"

"無厘頭"是"無厘頭尻"的簡稱
意即做事無頭無尾

最初看見日本女藝人的姓有這個字
不懂讀更不敢讀
一直以為這個是粗口字
不過現在可以放膽大聲讀了... hee hee

ショッピンーグ

ショッピンーグは女の趣味だと思います。
ショッピンーグは台湾に“血拼”です。
その訳文はおもしろいね。
“一生懸命”と“力”を感じしていますから。

母はショッピンーグが本当に大好きです。
一日中ショッピンーグしることだけができます。
私はそんなことができません。
特にカナダと米国のことは好きじゃないんです。

そして，私はひとりでショッピンーグしることのほうがいいです。
他の人とショッピンーグしるのことはときどきつまらないと思います。
好きなことは違うし，いつも長い時間を待つから。
そして，自分の好きな店であまり長い時間とまれない。
特に自分だけ好きな店で。
わるいと思うから。

為了靚靚

帶con、染髮、穿耳、穿高跟鞋
4樣我做了3樣
只是無帶con
不帶con是因爲太麻煩
而且我實在無法保證自己會將對con洗得很乾淨
所以雖然帶眼鏡也很麻煩
尤其是下雨和流很多汗的時候
但至少不會受細菌感染

至於穿耳
我大概7歲時穿吧
那時很多小朋友都穿
而且差不多全部的女性長輩都戴耳環
剛好我呀娘問我想不想穿
那我就穿啦
我記得是在大丸穿的
我選了金色的星星小耳環
不過過了不久我就發現我對那些金屬敏感
所以就沒再穿啦
我想現在那個洞已經塞了吧

染髮和穿高跟鞋是逼不得已
我的頭髮太黑太硬
疊在一起很難看
難看到發脾氣
所以要染
只是冬天要常常戴帽
所以會暫時不染
其實我也試過對染髮劑敏感
不過好彩只是一次
換了另外一家salon就沒事了

我身型不好
不穿高跟鞋我的腿看來比象腿更粗
自己看見也不想出街
穿了高跟鞋後雙腿真的變得長和瘦
我知道這是治標不治本的方法
應該去減肥嘛
如果是那麽容易的話我早已經做啦
我發覺我的脂肪真的很頑強
不容易消滅
不過我不是天天穿
而且我不穿幼跟和尖頭的
上班通常不穿 – 但會穿platform
因爲曾經試過常常穿高跟鞋而抽筋

我老豆問為什麽明知道會有害還要做
這問題很難答
可以寫一篇論文

輕鬆的一天

今天是暑假前的最後一個long weekend的前一日
所以公司靜得離譜
我雖然不至於無事做
但holiday mood實在太強烈
到最後一個鐘終於頂不住
要做一些無聊事 – 寫blog
其實最主要是老細已經走了
所以可以點都得

前兩日看到一個很搞笑的clip
看到一個對我來講很搞笑的日本歌手
（但我覺得這個clip搞笑並不是單單這個原因）
不是因爲他的形象搞笑
其實他出來的形象是cool cool的
（而姿勢十足四哥, 不過他大概30+吧）
講説話又一句起兩句止
聲線又低沉
但不知何故
我總覺得他那個cool樣很低能很好笑
一點也沒有“嘩，好型呀”的感覺

看一些形式比較搞笑的日本音樂性節目
會看到一些嘉賓其實對節目是很不屑
很不願跟主持人交流溝通
但為了做宣傳又好像沒辦法
任你幾cool都好
有時也不得不為五斗米而折腰
畢竟沒有多少個可以不向現實低頭
不做宣傳隻碟都可以大賣

窈窕淑女 君子好逑

無聊時看其他人的blog
當看到男bloggers大讚
林嘉欣、劉亦菲、應采兒、鄧麗欣、甚至薛凱琪"正"和"索"時
和
當看到女bloggers大讚
木村拓哉、吳彥祖、陳冠希、言承旭、甚至側田"型"和"可愛"時

我便大大體會到"窈窕淑女 君子好逑"這句說話的意思

p.s.
原來有時忘記某藝人的名字
用他/她的緋聞/正印好朋友在網上search一search就可以了

未来予想図 Ⅱ

今この歌を聞いています。
はじめて聞いたの時
感動しました。
今度も感動します。

ブレーキランプ５回点滅
ア・イ・シ・テ・ル のサイン

すごくロマンティックですね。

*****************************************

未来予想図 Ⅱ

歌：Dreams Come True
詞：吉田美和
曲：吉田美和


卒業してから
もう３度目の春
あいかわらず
そばにある
同じ笑顔
あの頃バイクで
飛ばした家までの道
今はルーフからの星を
見ながら走ってる

私を降ろした後
角をまがるまで 見送ると
いつもブレーキランプ５回点滅
ア・イ・シ・テ・ル のサイン

きっと何年たっても
こうしてかわらぬ気持ちで
過ごしてゆけるのね
あなたとだから
ずっと心に描く
未来予想図は
ほら 思ったとうりに
かなえられてく

時々２人で 開いてみるアルバム
まだやんちゃな 写真達に笑いながら
どれくらい同じ時間
２人でいたかしら
こんなふうにさりげなく
過ぎてく毎日も

２人でバイクのメット
５回ぶつけてたあの合図
サイン変わった今も
同じ気持ちで 素直に 愛してる

きっと何年たっても
こうしてかわらぬ思いを
持っていられるのも
あなたとだから
ずっと心に描く
未来予想図は
ほら 思ったとうりに
かなえられてく

ほら 思ったとうりに
かなえられてく・・・

雜想

斷斷續續病了一個星期
一日以為自己已經好了
但第二日又覺得有點不妥
真的被病菌玩弄夠了
朋友問我好了沒有
我也不懂答...

*********************************************************************

上星期五請了病假
難得可以在中午看到中文電視播的"孖仔孖心肝"
只能用"精彩絕倫"來形容
那天頭腦最清醒就是看這集的一個小時

*********************************************************************

有些人不是"無家教"
而是沒機會"有家教"
因為家人一樣是"無家教"
那他們其實是"有家教"的
只不過他們所受的"家教"對一般人來說是"無家教"罷了

*********************************************************************

藝人都說八卦雜誌將他們的事老作
影幾張相就靠自己的想像力天馬行空作故事
連語氣對白甚麼也有
但我們作為讀者
又怎樣知道哪些是老作哪些是真實?
當然我不是說八卦雜誌所說的都是真實
但你藝人說這些是老作那些又是老作
我又憑甚麼要相信你呢?
你一定是在說真話嗎?

究竟你知唔知CSR係做乜呀???

CSR = Customer Service Representative
中文係客戶服務代表
即係為客戶提供資訊和幫助
唔係個客戶有d乜0野問題你唔鍾意聽到就可以吋個客戶
以及擺出一副"唔係呀, 咁0既問題都問得出"0既態度
亦都唔係要你做辯論代表
同個客戶坳
你係代表你公司去幫客戶
又或者作為你公司同埋客戶之間0既一條橋去維持一個良好關係
而唔係叫你代表你公司同客戶搞對抗
呢個世界無人用槍指住你個頭迫你去做CSR
如果你係咁唔耐煩咁唔願意答人問題的話你可以唔撈
你做得CSR就即係你在某方面有比其他人多的認識
你識唔代表其他人都識
如果唔係請你0黎做乜呀?
客戶打親比你當然係發覺有問題要靠你幫助解決啦
真係老土d都要講句
今時今日咁0既服務態度點得0架??????

すごい薬

先週朝のラジオの番組によると
このおもしろい情報を聞きました：
6歳から12歳までの子供は
テレビ（アニメ）を見ているの時
痛みを緩解（かんかい）のことができます。
だから，アニメは子供の鎮痛薬（ちんつうやく）ですね。

あの情報を聞いていた時
ひとつことを思い出しました。
外祖母（がいそぼ）は麻雀（マージャン）が大好きでした。
あの日，外祖母は病気でした。
家族と伯母（おば）の家族と叔父（おじ）達の家族と
一緒に外祖母を見舞いました。
あの時，外祖母はマージャンをしましょうって言いました。
彼女は病気でしたから，母も伯母も休むのほうがいいと思いました。
でも，外祖母が本当にしたいそうでしたね。
だから，伯母と叔父逹と外祖母とマージャンをしました。
マージャンをしていたの時，外祖母は突然に元気になりましたよ。
本当に奇跡でしたね。
だから，マージャンは実は外祖母の“薬”だった。
そんな“薬”は医者からにもらった薬もすごかった。

私はね，そう言う“薬”もあります。
先週の金曜日，私は頭痛（ずつう）と喉の痛みがありました。
仕事もやすみました。
でも，友達と土曜日ふたりでカラオケにいくを約束しました。
実は，私は本当にいきたかった。
長い間にカラオケにいかなかったから。
そう言うけど，もし三人以上と行ったら，絶対行かなかった。
病気でしたから，他の人と同じのマイクを持ってるのことは全然だめ。
そして，金曜日すぐ薬を飲んで、やすみました。
土曜日には，頭痛はなかったけど
喉の痛みもちょっとありました。
それでも，カラオケにいくを決めました。

カラオケを楽しんでいたの6時間に
喉の痛みを全然感じしませんでした。
やっぱり，カラオケが私の“鎮痛薬”ですね。

我的桌布嘛...

應蛋散要求
要將自己的desktop公諸於世
請先自行做好心理準備
後果自負...



OS為?
Window XP

這台是你的個人電腦？還是公司或家人共用的電腦?
是我的個人電腦
公司用的desktop很plain
沒有甚麼shortcut icons
而用的wallpaper是Microsoft提供的藍天白雲
因除了開機關機那一刻根本不會看到desktop

這張桌布是什麼? 從哪裡取得的?
是こげぱん(焗燶麵包)以夏天為題的wallpaper
應該是很久以前從一個こげぱん的fans的site下載的

更換桌布的頻率高嗎?
不太高
因很少機會會看自己的desktop
不過以前看見有自己喜歡或覺得靚的就會換
但現在只會一年換5次
當四季開始時就會換以當季為主題的wallpaper
農曆新年期間也會換一張以增添一點節日氣氛
所以不久之後就會換秋季那張了
除了夏天是こげぱん外
其他三季和農曆新年的都是Hello Kitty
(但我絕不是Hello Kitty的fans, 只覺得那幾張wallpaper幾cute)

桌面上有幾多個ICON?
37個
多數都不是常用的
只不過因為懶而沒有將它們刪除
有幾個是save document的時候save在desktop但之後就沒有理會它們

一堆檔案和捷徑放得亂七八糟的桌面，你看得下去嗎?
可以
因我很少看desktop有甚麼shortcut
要找文件或program時我會直接去"start"或"My Computer"

有沒有什麼堅持點?
沒有甚麼堅持點
如果是其他人的desktop我不會理會上面有甚麼或用甚麼wallpaper
如果是自己的我也沒甚麼所謂
因為都是那一句
我很少理會desktop上有甚麼東西
no matter那是誰的desktop

為了填這份接力, 還特地整理一下嗎?
沒有
本來想
但又不是甚麼秘密
無這個必要

* * * * * * * * * * * * * * * * * * * * * * * * * * * * * *

因小人所認識的文人雅士不多
而在blog圈中又屬於自閉一族
沒有認識很多bloggers
所以這個接力到這裡便會完結
不過如果有任何人因為時運高又好時運低又好看見這個post覺得得意想接下去的話
小人當然無任歡迎~~~ ^_^

黑革の手帖...之後

昨晚看完黑革の手帖的特別篇~白い闇 (my link)
是改篇自松本清張同名短篇小說

奇妙物語●幻海奇情●希治閣

前兩日看了世界奇妙物語15周年特別篇 (my link)
話明是15周年特別篇
但好像沒有之前的好看
不過就有長長短短15個單元

其實香港也有類似的節目 - 奇幻潮
20-25分鐘一個怪故事
有些都幾好看的 - 如果可以忍受到某些人的演技的話
很久很久以前 (都有二十幾年前) 無線也有這類型節目 - 幻海奇情
我相信最出名的就是給軟硬常常提起的"四人歸西"
其實我也不記得自己有沒有看過
只記得有一個單元(不肯定是否"幻海奇情")是周潤發主演的
講他去到一條類似古舊圍村的地方
見到一些親戚或鄉親
想跟他們拍照時
透過相機竟然看不見任何人
但用肉眼看他們確實就在眼前...

在讀大學時
在家吃午飯時就看到希治閣的單元劇
好像也是半小時一集
不過只看過三、兩次
詳細內容已很模糊了
只記得很有吸引力
要一氣呵成地看下去
不知這些希治閣短劇有沒有出小說版呢?
唔, 等我在網上search一下~~

書緣

見到蛋散寫書
我又想湊湊熱鬧

首先無聊題外話一則:
"書緣"令我想到"輸完又0黎賭過"
好搞0野...

雜誌:
小時候老豆有訂《讀者文摘》
那時家裡沒有甚麼八卦雜誌
可以看的除了報紙和教科書之外便是《讀者文摘》了
其實我很喜歡看的
尤其那些笑話
好笑而不低俗
另外我最有印象就是它講關於恐龍和鐵達尼號的文章
還有就是那些得到巨獎的通知 ^_^

漫畫:
我不熱衷於漫畫
看過的只有《老夫子》和《叮噹》

小說:
我喜歡看書始於中一
那時不喜歡讀教科書
覺得讀來讀去都不能入腦
可能是我潛意識抗拒吧
所以把讀教科書的時間轉去看小說
不過全部都是所謂的流行小說
可能會有人覺得不屑也不定... ^_^;
我還記得其中有一篇中國語文課本文章說看完一本小說就像自己去了一次旅行一樣
真的形容得很貼切

其實我第一本看的不是小說
是亞濃的《咖啡集》
是一本散文集
亞濃當過教師
理解年輕人心理
後來來到多倫多
也可以看到他在明報寫的專欄 (當時他人在溫哥華)
不過不久之後他便停寫了

亞濃之後便陸陸續續的看衛斯理、亦舒和於梨華的小說
於梨華的看得不太多
印象中只有3本： 《夢回青河》、《又見棕櫚 又見棕櫚》和《又是秋天》
可能再多一、兩本也說不定
不過應該不會超過５本太多
我最喜歡《夢回青河》
已不記得故事內容
只記得看後令我有一種很強烈震撼的感覺
有機會我也想再看一遍

至於衛斯理和亦舒的就真的看得太多了
所以不能盡錄
不過近年已少看了這兩位作家的小說
其實我仍然對衛斯理的有興趣
他的想像力實在是太厲害了
不過就只限於衛斯理為主角的
其他好像原振俠那些就免了
當第二主角還可以
沒有衛斯理就真的是差一點點
而亦舒的就真的沒有太大興趣了
尤其那些她移民後才寫的作品
個個主角都又靚又叻
非常之不現實

我也看很多瓊瑤的小說
其中大部份都是借來的
自己買的只有《煙雨濛濛》和《我的故事》
買《煙雨濛濛》並不是因為《情深深雨濛濛》(這個實在嚇人)
而是因為小時看電視 (應該是亞視吧)
看到由劉雪華和秦漢主演的《煙雨濛濛》(台灣製作)
覺得非常好看
幾年後逛書局看到這本小說才買下來的
《我的故事》是瓊瑤的自傳
內裡有些情節其實也有在她的小說中出現 (最經典的就是《窗外》)

來到加拿大
也有去圖書館借中文小說
看了徐速的《星星月亮太陽》、《櫻子姑娘》和《疑團》
3本都值得推介
尤其《疑團》
徐速的長篇小說簡直是可以追死人的

也有看梁鳳儀的財經小說
不過看得不多
大概4至5本吧
我覺得最好看就是《千堆雪》
結局是出乎我意料之外
跟《夢回青河》一樣
有機會我也想再讀一次

剛上了大學
就迷上了張小嫻的小說
我差不多有齊她的作品 (除了最近期的)
有些還有她的親筆簽名 ^_^
我最喜歡《麵包樹上的女人》和《再見野鼬鼠》
可惜她近期的小說太平淡了

而李碧華的小說我只看了《生死橋》、 《胭脂扣》和《秦俑》
《生死橋》不錯
但我嫌後半發展得太快
一下子就完了

有段時間聽到電台播廣播劇《獨臂少年》和《天空小說》
所以回港時買了小說版
《天空小說》小說版的layout很特別
一貫林海峰的風格
我覺得《天空小說》中的王天朗和《獨臂少年》中的允聰也有一點點林海峰的影子

日本翻譯小說方面
只看過村上春樹的《袋鼠通信》、《舞舞舞吧》和一本書名很長但我已忘記的小說
可能我還未到那個level
不太明白小說所帶出的message
所以後來也停了沒看
也有看過一些日劇小說
總覺得看小說的感覺比較好一點

至於英文小說方面
看得最多的是Stephen King的
不過不能一下子看很多本
否則自己也會變成精神失常的一分子
最近期看的就是"The Da Vinci Code"了
已看了兩次
其實我看英文小說跟中文的不同
不會因為作者而看
而是因為書名而看
而我比較喜歡看一些故事性豐富一點的
最好故事是在歐洲地區發生
因我喜歡歐洲多於美洲 (或者可以說是因為我不太喜歡美洲)

結論嘛
就是書仍會看下去
blog仍會寫下去
我但願如此吧 (很老土呀...)

車欠石更

呢兩日上網0既主要活動就係:
上youtube睇軟硬~~~

真係要多謝youtube
令我可以睇到軟硬0既concert片段
去現場睇就簡直無可能0勒
所以可以睇到呢d短短0既現場clips
我已經好興奮~~~

其實我一直以為呢個係一個好似老人院0既show
雖然個show個名一直都係話係"concert"
雖然佢地0岩0岩出0左新cd
但係可能我最近成日煲返佢地0既老人院同埋幼稚園
所以至有咁0既錯覺
以為係齋talk為主

超級期待個dvd
希望佢地會有齊所有嘉賓0既片段啦... (妄想中...)
講開嘉賓
我一直以為其中一場0既嘉賓會係梁朝偉
點知無之餘
仲要請埋唔係太"拉更"0既古巨基、楊千嬅同埋陳奕迅
(唉, 根本唔同年代唔同feel)
後尾至發現原來今次個老細係Paco
唔怪之得啦

在地獄中心呼喚X... 過去篇

"X' is neither a foul language nor a bad thing
I just cannot think of a word or a phase to describe the feelings I had in the last week

I was just like living in the hell last week
but seems that everything is back to normal now
including my pc, my mood, my health (physically and spiritually)
and my life (have to be back to work tomorrow after my day-offs)

it was very hot in the past few days
around 45C with humidex
and the forecast says the heat wave will last until thursday
well, luckily it was not as humid as in HK or Japan
I didn't sweat much
only the sun was soooo big
just like in an oven when standing outside

no luck today...

my keyboard was dead
so cannot type in chinese or I have to take 10-20secs to type a chinese character
that would be very slow - so I gave up
luckily there is an on-screen keyboard
I can still type something (though very slow)
and also the pc can still run windows without a keyboard
otherwise I think I would 激到紮紮跳

actually I dunno if it is the problem of my keyboard or the jack at the back of my harddrive
if the latter is the case
that means, for the worst case, I have to change the motherboard
and I have to leave my harddrive at the shop for 3 weeks
3 WEEKS!!!
I would have no pc, no internet for 3 weeks!!
really so shocked!
that also made me frustrated...
well, I know it is too early to be frustrated
but I just couldn't help...
and I really have a feeling that would be the case
(my 直覺 is pretty accurate, though I really don't want it to be accurate this time)

well, actually, the main reason I type this blog message is
I just found out that, from a site, 劉華 was in Japan
and he was the guest of "iitomo"
and the host was shingo!!
that really made me feel a bit better~~ ^_^
and I really want to have this little piece of news in my blog...

and that proves that if I really want to or even insist to have something done
I will do that no matter what and no matter how

photo source: http://totorohk.netfirms.com/cgi-bin/diary.cgi

萬稅

加拿大貴為"萬稅之國"
在今年七月一日將7%的GST減了1%
但同時就聽見香港想徵收GST (預料會是5%)
之前不是說要港人"留港消費"的嗎?
買乜用乜都要付稅
試問又怎可以留住港人呢?
可能連外地人都怕怕呀 (退稅又要有limit)

不如將那些建議GST的高官調去有GST的外地
做一個普通中產階層人士 (不要他們做低下階層喇)
生活一年半載
看看是否好容易好好過?
不明白為什麼他們只參考新加坡和跟新加坡作比較
為什麼不將眼光放遠些
去參考一下其他歐美地區國家?

其實不用怎麼想都知道這會削弱經濟
無錯稅基可能是擴闊了
但普羅大眾的生活亦會因此而百上加斤
個個都不願消費
經濟又怎會好呢? 

劍道

看"不是香港人"
其中有一集講關於一個在香港已住了15年的日本人
他在香港當一個劍道教練
他說香港人學劍道只當它是一種普通運動
但劍道並不是一般運動那麼簡單
而要明白所謂的"劍道精神"也不是易事
畢竟天生不是日本人
可能成世都參透不了

最初是從一個日本搞笑節目中認識劍道
覺得玩劍道的人無論男女都很有型
後來有機會現場觀看一場劍道示範
覺得那些叫聲和竹劍互相碰撞所發出的聲音很勁很震撼
那時有一瞬間真的有衝動想去學這個運動
為的只是想嗌和想聽竹劍碰撞的聲音
根本沒把"劍道精神"放在眼內...

雙魚座 - 係真唔係呀?

為人溫柔再加上對人親切
令到呢條魚仔響朋友圈子中都幾吃得開
不過呢
一旦大家相處耐d
就會比佢糊糊塗塗的性格嚇親
成日撞板不止
有時連約會都唔記得
另外
其實佢亦都唔係好似想像之中咁簡單同傻
想同佢做朋友要有心理準備呀

 


係0係email度copy過來
雖然唔知邊個寫
又唔知佢有乜根據
但又好似幾0岩咁喎...

死穴

施丹貴為法國國家隊隊長
在他的最後一場比賽
亦是世界盃冠軍爭奪戰中
因出"頭"傷人
做了紅牌亞姑

我開始看這場球賽時正是施丹剛剛頂完對方心口
我呀娘老豆仲話人地笑笑口同佢講說話
點解會咁勞氣?
我立即話: 咁咪就係笑裡藏刀囉, 仲衰
有很多人話施丹應該忍到完場
之後要點打對方都不是問題
但我覺得他又不完全是一時衝動
至少他最初走開了
之後再返轉頭頂人
這場是他最後一場賽事
他比任何人都想做到最好
比任何人都想踢到最後兼想拿冠軍
而他做了那麼久球員
亦很清楚他這樣做會有甚麼後果
但如果對方講中他的死穴 (即所謂踩到佢條尾)
試問是否真的可以話忍就忍得到??
其實外人很難去評論究竟那句話是否真的那麼厲害
令他就算知道一定會被人趕出場都要照頂
畢竟各人的死穴都不同
我覺得忍無可忍的一句說話
其他人可能覺得不以為然

現在出現的版本太多
不過無論真相是甚麼都好
兩人都一定有錯 

十三么 vs 小小超

每次開檯都食鋪十三么
仲爽過做小小超~~~

呵~呵~呵~~~ ^_^

好有heart 0既concert

剛剛睇完Eason 2006 live concert dvd
就算而家好眼訓都要寫一寫
因為個concert實在係太~~~~~正啦!!!

其實上個禮拜已經買0左隻dvd
不過到今晚先有時間睇

• 整個concert Eason都無乜講0野, 呢個絕對係明智做法, 令到個concert連貫性更加強, 而我亦唔駛睇完每一隻歌都要按"next" :p
  
• Eason唱得實在太好, 高低音轉音位handle得好好, 好smooth, 唔會覺得好突允
• 睇完成個concert, 覺得好感動, 因為我感覺到Eason唔係因為做concert而唱歌, 而係好enjoy咁去perform佢自己0既作品, in other words, 即係覺得Eason佢做呢個concert好有heart, 睇緊0既時候, 我幾希望自己0係現場呀...
  
• 最surprise係將"超人的主題曲"編曲成類似百老匯式0既歌, 由德國漢堡交響樂團演奏, 再配合舞蹈, 成首歌個感覺變得好特別好新鮮, 但又唔會覺得格格不入喎, 唔知d交響樂團員知唔知0個隻係打怪獸卡通歌?
• 我覺得Eason d歌唔會一味話你愛我我愛你, 又或者我咁愛你你都唔愛我... 呢樣0個樣, 會有其他講親情友情, 又或者係講人生無常, 又或者係帶有比較正面信息0既歌, 就算係情歌, 都好少有個"愛"或者"情"字
• 一個咁鍾意唱歌, 又唱得咁好, 又可以做到歌手0既人, 又有咁多人喜歡聽佢唱歌, 睇佢做show, 真係夫復何求呢?
  
• 最後不得不再提0既係, 我覺得Eason實在真係好似電影中0既Robert Langdon喇

再一次給呢個concert鼓掌!!! (clap**clap \^_^/)

卡通片 - 由"叮噹"講起

呢幾日都0係youtube度睇叮噹
真係好呀
仲以為無乜機會會睇到0添

因為太多關係
我仲未睇晒呀
原來真係會睇上癮0架
不過就唔係幾慣個名由"叮噹"變為"多啦A夢"囉
好似唔知點咁
成個卡通只有"大雄"個名係無變
其餘就有"技安"就變為"胖虎" (只係令我諗起"伴君如伴虎")
"亞福"變為"小夫"
"靜宜"變"靜香"
聽聞好似日本方面一定要改
不過我記得細個睇叮噹0既漫畫書
"靜香"都係叫"靜香"0既
我發覺原來"叮噹"都好有教育意義
每集都有一d message帶到出0黎
例如要循規蹈矩啦、要努力啦、唔好貪心等等
如果做0左壞事
就算有乜0野法寶都無用

其實"叮噹"係我細個時睇得最多0既卡通之一
雖然當年電視都播好多卡通片
不過我就好揀擇
好多都無乜點睇

記得有睇過0既有:

IQ博士
當年係星期日早上10點鐘播0架
好低能
不過好好笑
其中一個最正0既係則卷千平(IQ博士)一見到山吹老師就會變得好型

高立的未來世界
當年係星期六早上大概11點播
個故事內容詳細係點其實唔係太記得
只記得個background好似係地球環境受到破壞
不太適合人類居住 (?)
經常出現0既有"高立"(少男), 女主角(同高立差不多大)同埋女主角個公公
我而家淨係記得呢個卡通好好睇

藍精靈
成條村都係藍精靈
每集都會俾個叫"加達"0既壞人害
當然每集都會係happy ending

我係小忌廉
好似播過唔止一次
有次唔知錄乜0野節目錄埋呢個卡通0既大結局
所以最尾0個集睇0左好多次
0個集係講小忌廉因為外星人要收返d法術所以要做告別演唱會
所以個集有好多首歌出現
全部都係日文0架
當年睇到全部呢d日文歌都可以一字不漏咁跟住唱0架

莎拉XXX(唔記得亦唔肯定個名)
當年係星期六下午4or5點播
主角莎拉(應該係叫做莎拉)係大概10歲0既小女孩
佢0係屋企排行第5
有呀爸呀媽兩個家姐(最大同第4)兩個大哥(第2同第3)一個細妹
個屋企好窮
但都生活得好開心
個故事幾感人0架
不過detail就唔記得晒喇

太陽神王子 (?) (又係唔記得亦唔肯定個名)
其實連個detail都唔係咁記得
當年係星期六大概11點播
淨係記得有個類似太陽神0既主角
同埋係日本卡通 (因為片尾隻歌係日文)

長腿叔叔
重播時睇0既
係我臨過來之前睇0既
都幾好睇0架

櫻桃小丸子
係我讀大學時呢度個中文電視播0既
我又係差不多每一集都有睇
最搞0野0既就係小丸子對射哩眼
同埋花輪同學成日講0既"oh my baby~~"


由此可見我細細個開始多數只會睇日本卡通
(即係細細個已經有崇日傾向...)
不過我真係唔係咁喜歡美國卡通
我覺得d人好樣衰好核突
仲有就係原來我睇電視唔係幾轉台
只攻TVB

好奇->緊張->失望

我決定
如果以後英格蘭要射十二碼
而我又可以睇live的話
我唔睇!!!

點解我一睇live十二碼
英格蘭都會輸???
上次歐洲國家杯係咁
今次世界杯又係咁!!! >_<

其實我對睇足球無興趣
不過如果要我貼邊隊捧杯
我一係估意大利
一係估英格蘭
(至於點解係呢兩隊, 我自己都唔識答, 就當係偏好啦)
所以而家唯有寄望意大利會打得好d啦

fried rice?

剛剛才知道原來"炒飯"在台灣是有另外一個意思
唔... 這個要記住啦
如果有機會去台灣千萬不要問男生要不要一齊(食)炒飯
(當然如果自己想的話就另作別論)
否則後果自負... ^_^

記得8年前跟兩個朋友(一男一女)食飯
不知為何談到"衰十一"這個term
我和那個男的都知道是甚麼意思
只有那女的未聽說過
她就問我是從哪兒聽回來的
其實我也答不上
反正不是電影就是電視或報紙雜誌吧

其實中文有很多terms聽起來好像沒甚麼
但內裡有些特別意思(偏門or3級那方面)
尤其近年那些八卦雜誌標題
最近和朋友食飯(又是一男一女...)
說起甚麼"食糖水"和"咖哩雞"
他們竟然沒聽過"食糖水"
我真的很驚訝
他們年紀都比我大
也是從香港來的
這三個字我幾歲大讀小學時已經知道的了
至於"咖哩雞"
竟然以為是唇印
唔... 實在太天真吧

另外有一次一個朋友對另一個朋友說要給他"安家費"
嚇得我立即叫他們收口
我可不是甚麼江湖人士呀

在以前那間公司工作時
因有很多講廣東話同事
同聲同氣關係
所以說話比較直接和市井
有很多這些代名詞會出現
甚至有很多是他們自創的
記得有一個最經典的 - "地震"
哈哈...

唔好意思, 又係軟硬

yeah~~
軟硬終於重組開show啦~~~
好期待~好期待~好期待~

希望會快d出dvd啦

當然要post個link先啦
http://softhard.881903.com/index.html
我0岩0岩先搵到咋

入面有新歌聽
咁當然係要post埋個新歌lyric啦 (又係0岩0岩至搵到):

Long Time No See
曲：王雙駿 for Double C Music Group
詞：林海峰 /葛民輝
唱：軟硬

Long time no see 乜都會變
鬥快拆鬥快起樓 花園升上天
灰灰的天小心空氣驟變
你我有冇變 各位即刻去片

嘩個世界變到變到冇唱片店
嘩個世界爆炸爆炸冧晒港產片
嘩個世界會唱會跳相當罕見
來吧讓軟硬軟硬捍衞地球 Long time no see

* 來吧變身我變 全場人嚟大嗌聲 好久不見
時代快過火箭 有兩個老人撞見 約你去廣播道見
你想見 我想見 見咗會點 你都變我都變 *

Long time no see 終於再見
你有冇再咁天真揸筆寫信件 想想當天到今天再遇見
我氹你氹我笑聲走咗去邊 有冇見過有對愛侶永冇收線
有冇見過有個派對永遠冇終點 有冇見過有對拍檔一起廿年
來吧讓軟硬軟硬捍衛地球 Long time no see

Repeat *

啦啦啦啦啦啦 全場人嚟大嗌聲啦啦啦
湖互惡烏污惡 我嗌你啦啦啦啦 你有冇聽見

從前氣氛冇變 童年時全部記憶 睇高一線
懷舊嘅慶功宴 你我再有緣遇見 跳隻舞司馬燕
完場要講再見 圍埋嚟然後要閃 千載不變
全場大嗌癡線 有你有我同陣線 對過去講再見

阿女變 尹飛燕 變咗隻蜆
有把劍 變把劍 有乜咁堅
阿輝變 阿峰變轉身噴煙

愛…不變 你癡線

十年

大概十年前開始可以在家上網
那時甚麼都想試想玩
立即申請email和ICQ
在最高峰時期
自己同一時間擁有5個email
以及接近100個ICQ contacts
也試過同一時間將ICQ, MSN, yahoo messenger和skype開著跟別人chat
到十年後的2006年
那些ICQ呀, MSN呀已統統被我打入冷宮
只是偶然開一開MSN
現在只有email是仍然keep著
感覺上就好像是還原基本步一樣

十年前軟硬老人院會花十多分鐘讀信
現在有多少人會執筆寫信上電台?
林公子說老人院不會重現的了
因情懷不同了
除了情懷不同
很多事都不同了

是的
有些事只會出現在十年前的自己身上
而有些事只有十年前的自己才會做

好襯

其實我覺得佢地兩個好襯~~

灣仔 - 回到幾歲時

小時候的灣仔給小時候的我很多特別感覺:

• 好像曾經在家附近看見過望夫石, 但不肯定它是不是真的望夫石, 它很遠, 是要抬高頭望的, 不過很快它就被高樓擋住了
• 家附近有一間教堂, 很奇怪, 它是建在路中心的, 我曾經進去過一次, 不是做彌撒或祈禱, 但我已經忘記了進去做甚麼, 直到現在偶然也會發夢夢見自己在那兒逛
  
• 家附近有牛奶公司的雪糕屋, 地方很大很光猛, 可以在那裡登記自己的生日日期, 到那個月份牛奶公司就會寄來雪糕coupon, 是免費單球甜筒一個, 不過我不是登記自己真正的月份, 因為呀娘說夏天食雪糕比較好, 所以她幫我填了7月
• 後來雪糕屋旁變了做萬寧, 每次進去都很想買一盒lego
• 最初從家裡可以看見很小很小的一個海景, 但很快對面就起了一棟棟高樓, 連那一丁點的海景都被擋住了, 那時很想將它們全部炸掉, 原來小時後的我都幾恐怖
• 那時有些街邊小販熟食檔, 有豬腸粉啦、炒栗子啦、臭豆腐啦、釀青椒啦、還有一些鹹鹹酸酸的"口立濕"啦, 而我的favourite就是豬腸粉和臭豆腐
• 好像在家附近坐過一次一大一小相連的電車
• 家旁邊是商業大廈, 地面是地下停車場出入口, 所以地勢比較低, 在狂風暴雨或打大風時會水浸

以上所提及過的有些已經不存在了
但慶幸的是它們仍然存在我的腦中

59420

59420
我就是愛你

很sweet的5個字
不論聽完後或說完後都會覺得甜絲絲

很喜歡"就是"這兩個字

為什麼?
我就是喜歡

人必為己

上星期尾
發現後院有浣熊在睡午覺
我們為了避免牠會將後院成為牠的家
所以放了一個籠去捉牠

第一次牠吃了籠外的餌
籠的門關了但捉不到牠(很醒目)

過了幾日
我們看到籠的門又關了
但浣熊在籠外徘徊
再看清楚點
原來籠裡也有一隻浣熊
外面的那隻想盡辦法
企圖將裡面的那隻救出來
可以看得出裡面的那隻很驚(因為籠外已濕了一大片)
最後外面的那隻在無辦法之下
唯有走了...

我看著其實心裡很替牠們慘
但我又不可能將牠放走
心裡想牠們可能是同伴
也可能是夫妻
可能其中一隻之前來過
知道這裡有食物
所以便帶另外一隻來有福同享
可惜這是個陷阱...
真的是悲劇一場呀...

老豆說牠們這是威脅到我們呀
是的, 世界就是這樣子
要保自家的安全就唯有犧牲牠們吧...

難得一遇

在其中一個blog看到日本的髮型屋都僱用長得好看的男生和女生
這使我記起幾年前去日本時
從大阪坐新幹線到名古屋時
遇到一個長得超帥的男服務員
看著他時真的甚麼也忘記
忘記要答他的問題
只懂傻笑地望著他 (^_^;)
其實他也看得出我不太懂日語
所以也笑笑地走開了

除了這個超帥男生
其他服務員無論男的女的都長得很好看
那時我以為在新幹線工作的年青男男女女都會有幾分姿色
但可惜一直向關東方向走
質素就一直向下跌...

Da Vinci Code

最初是很期待這套戲的
但讀過各式各樣的comments之後
(尤其讀到吳彥祖說它so-so之後...)
不禁懷疑這套戲是否真的那麼不濟

現在看完了
覺得真的只是ok
因為它由一部推理懸疑解迷戲變為平鋪直接敘事戲
整部戲沒有把觀眾帶入戲內
反而將觀眾當作成第三者
很多事情只是"告訴"觀眾
而不是"帶領"觀眾去揭開迷底或找尋答案
所以令我沒有很想追下去的感覺
這戲長兩個半鐘頭
但感覺上好像在吃一個快餐般 (煮的和吃的都很快)
並不是能夠慢慢享受慢慢咀嚼的法國餐

• 為什麼那麼快就肯定到在羅浮宮所得到的鎖匙是哪間銀行保險箱鎖匙?
• 入銀行密碼時為什麼那麼肯定數字排列一定是1123581321? 根本沒有掙扎過或懷疑過是message中的排列 (甚至其他排列可能性), 那個其實可以做到很緊張的
• 在機上從木盒中弄得的一塊小鐵片, 為什麼一看就知道是倒轉來寫的英文 (要用鏡子看), 並沒有懷疑過是其他國家文字?
• 兩秒就知道並肯定到"A Pope"就是"Alexander Pope", 除了因為科技發達之餘, 可能更因為Robert比羅浮宮館長更加是一個genius...

其他感覺還有:

• 一直覺得Tom Hanks這個造型很像成熟一點的陳奕迅, 可能兩人髮線都向後移得很厲害
• 很喜歡女主角Audrey Tautou
• 戲中Sophie是耶穌唯一後裔, 跟原著不同, 我喜歡原著結局多一點
• 可能片長有限, 有很多支節並無提及, 例如黃金比例
• 看戲比較好的就是可以即時看到The Last Supper中那個V型symbol
• 如果這是被拍成一部推理戲, 我不介意non-stop地看4個鐘甚至5個鐘

我想你唔想

看完"黑革の手帖"
很想看松本清張的原著

有一個場口令我有很深印象
就是元子敲詐整形醫生的同時
亦將部分錢給醫生的護士長
幫她開一間咖啡店
元子認為女人應該靠自己
不應被男人操控
但最後護士長都拒絕了元子
回到整形醫生身邊
因為她只想有個男人在她身邊

我們常常都將自己的價值觀和目標/理想套在其他人身上
我們覺得好的在其他人心中可能是不值一晒

這幕令我想起一件很多年前的小事
我的一個朋友的經濟環境不太好
我便勸她不如找一份入息好些的工作吧
手頭上的錢鬆動些始終比較好
但她只是笑笑並無甚麼回應
其後我才知道有錢無錢對她來說並不是最大問題
(雖然她老是訴苦說錢不夠用)
她的第一目標是嫁人
其他事不去解決也沒關係
而在我心目中呢
錢其實佔著很大的重要性
所以如果我是她的話
錢不夠用其實是一個很急需要解決的問題
不過其實我很清楚我是不會讓自己有這種事情發生在自己身上

初めて日本語で...

最近、いろいろな面白いブログを読みました。
中国語のブログも日本語のブログもあります。
でも、ぜんぶ日本のものに関するブログですね。
その情報は新しくて、とても有用ですよ。
読んでいたの時、悩みをすべて忘れました。

日本に行きたいですね今すぐ～～

私の日本語やっぱりだめですね。
この作文を書くのために、30分のぐらいをかかりました。
簡単な文法と単語や忘れちゃった。
日本語を復習しないなければなりませんね。

門中有心

今日好悶
返工完全無心機做0野
一丁點0既motivation都無...

取消分類

本來之前整0左個分類
不過我而家先發覺原來一定要將d文書轉做public先至用到

我都幾矛盾
雖然擺個blog上網
但又唔想有好多circulation
將自己d文章放多個位0係個internet度我直覺覺得好唔secure
唔知點形容
總之就好無安全感
都係淨係放0係自己blog度好d

個furl我都會繼續用
用0黎比自己搵返自己寫過0既0野

純粹發洩&任性一下

呢幾日真係可以話係諸事不順
做乜都衰咁
好彩尋晚都俾我發返個好夢
如果唔係真係會鬱死呀

頭先剛剛打0左一大堆0野
不過已經俾我全部delete晒
算罷啦
發洩完就算喇
我其實都唔係咁想將0個d事放0係呢度
始終關係永遠都唔能夠改變
有好多0野唔係因為對與錯
我亦都唔想有任何勉強或者委屈0既情況會出現
我最唔想見到弄巧反拙
知道後又如何呢?
唔通以後做乜都就住就住咩?
如果係咁
我寧願一切維持現狀

點都好
寫0左出0黎喊完就算喇
我都想盡快從呢個心情中走出0黎

與水有緣

世事往往係好奇妙
我地一家人住親邊層樓邊間屋都會遇到漏水事件
0係香港住時唔係個洗手間天花板成日滲水
就係個熱水爐漏水
唔係就係個廚房去水喉漏水
我記得我地要成日叫個裝修師傅0黎整
但係整來整去都唔掂

之後0係加拿大又係咁
唔係廚房水喉(出水條柄)漏水
就係basement滲水
話俾d師傅知個廚房水喉出水條柄漏水
個個都話未聽過
因為條柄係唔會有夾口位
而且應該好耐用
唔會咁易會裂
但係我地已經換0左4次
真係好難明
個basement又係
我地搬0左去幾個月就開始有滲水事件發生
之前個買家話從未發生過
不過我地都信
因為當時係舖0左地氈
如果漏水都唔舖得啦
而家個basement滲水事件都仲係"未解決"!!!
又係用盡方法都搞唔掂!!!

仲有最搞0野0既就係有年返香港住酒店
第二日個洗手間面盤去水喉就漏水0勒
漏得都好犀利0添呀
真係去到邊d水就漏到邊

唔通我地一家係水命??????
有無得化解呀?????????

有壓力因為未解決

呢排成日都聽見"有壓力"同埋"未解決"
其實都聽到好煩
記得我老豆曾經問過我呢份工有無壓力(當時仲未有耐有巴士亞叔)
做工邊會話無壓力至得0架
只不過可以話壓力唔算大
我個人就係一係唔做
係要做就會盡力做好
乜都會跟到足
因為要負責任嘛
壓力其實係來自自己(來自責任)
唔想有乜0野差錯
套用巴士亞伯咁講
件事一日"未解決"
我都會覺得"有壓力"0架啦

其實我都唔明點解我老豆呀娘成日覺得我份工只係行行企企
當然我承認返朝九晚五唔係成日有OT係幾正
不過0係朝九晚五當中我都係有付出過0架嘛
我丁屎咁細個就知道搵錢艱難
佢地都係有做過工
成日都話返工好辛苦0架
無理由佢地會覺得我返工會好歎0架

咖哩辣椒

吃著咖哩味薯片
辣的味道越來越強烈
才突然記起自己已不主動接觸辣的食物很多年了
最初是因為食完辣的食物很容易生飛滋和暗瘡
又痛又麻煩
而且自己又不是特別喜歡辣
所以可以話停就停

以前我可以吃得很辣的
去泰國菜館可以一口氣吃掉一整碟辣椒炒飯
吃得自己滿頭大汗
感覺是很high的

黑革の手帖

昨晚看了一集黑色皮革手冊
很不錯
之前看過女系家族
已經覺得米倉涼子很像山口智子
現在覺得她除了像山口智子之外
也跟羅慧娟很像!!!

做大事的人(男女都好)
一定要野心大、夠狠、夠smart、夠guts、能夠把握任何機會
缺一不可
這些大部分都是性格和命運使然
想學都學不了

アンフェア (Unfair)

這兩天都在看這部劇
劇裡有一句開場白:
世上沒有甚麼公平不公平
以眼還眼
有仇報仇
以不公平還以不公平

我在很小的時候已經知道這世界沒有甚麼公平
尤其上了中學
雖然身邊的人都是跟自己差不多年紀
但有些性格是天生的
那時我已清楚知道學校生活不是那麼單純
其實它只是一個成人社會的一個縮影
甚麼明爭暗鬥、見高拜見低踩、口密腹劍... 這些"真"面目已經表露無遺
當然這只是一部分人
好人還是會有的
不過我已可以想像到外面的世界會是怎樣

法律也不能保證公平
某某要別人替自己頂包最後只被判社會服務令是公平嗎?
某某拿綜援去旅行最後只被判緩刑是公平嗎?
某某在一件謀殺案中成為最大嫌疑但最後受害者只被認為是死於意外是公平嗎?

那幾句開場白令我想起Alive的"四大天王"
我沒看過這部電影
只不過從報章讀到一些關於這部電影的消息
甚麼製造假消息 / 假新聞
利用娛樂記者 / 擺他們上抬
這些都只不過是以其人之道還治其人之身
現在大部分娛樂新聞都不能盡信
有些真的是一眼看得出是假的 / 捏造出來的
有些是斷章取義
有些還勁過私家偵探
偷拍偷影... 總之乜都偷
然後去逐一化驗
再篇造一個娛樂性高的故事
Alive在"四大天王"內所做的不可以說是對
這樣以其人之道還其人之身的做法其實並不聰明
以眼還眼其實是很無奈的
還了又如何?
不公平的事到最後亦不見得會變回公平

其實這個世界就好像「殺人放火金腰帶 修橋整路無屍骸」那麼悲哀

最佳損友

今日碰見一個已經不相往來的人
我不知他有沒有看見我
我相信就算有
他也跟我一樣
當作看不見

當年炒大鑊的原因其實只是小事一宗
不過道不同不相為謀
跟他割了蓆也不覺很可惜

以前我很珍惜朋友 (其實現在也是, 不過處理方法不同了)
覺得既然已經是朋友
就會希望一直keep到
現在不同了
雖不至於不重視
但已不再執著
要keep住一份友誼也需要雙方配合
跟其他任何一種關係一樣
我緊你唔緊是無可能成事

*****************************************************

最佳損友

曲：Eric Kwok
詞：黃偉文
編：Eric Kwok/Jerald


朋友　我當你一秒朋友
朋友　我當你一世朋友
奇怪　過去再不堪回首
懷緬　時時其實還有

朋友　你試過將我營救
朋友　你試過把我批鬥
無法　再與你交心聯手
畢竟　難得　有過最佳損友

從前共你　促膝把酒　傾通宵都不夠
我有痛快過　你有沒有
很多東西　今生只可給你
保守至到永久　別人如何明白透
實實在在　踏入過我宇宙
即使相處到　有個裂口
命運決定了　以後再沒法聚頭
但說過去　卻那樣厚

＊問我有沒有　確實也沒有
一直躲避的藉口　非什麼大仇
為何舊知己　在最後　變不到老友
不知你是我敵友　已沒法望透
被推著走　跟著生活流
來年陌生的　是昨日最親的某某＊

生死之交　當天不知罕有
到你變節了　至覺未夠
多想一天　彼此都不追究
相邀再次喝酒　待　葡萄成熟透
但是命運入面　每個邂逅
一起走到了　某個路口
是敵與是友　各自也沒有自由
位置變了　各有隊友

REPEAT＊

早知解散後　各自有　際遇作導遊
奇就奇在　接受了　各自有路走
卻沒人像你　讓我　眼淚背著流
嚴重似情侶　講分手

有沒有　確實也沒有
一直躲避的藉口　非什麼大仇
為何舊知己　在最後　變不到老友
不知你又有沒有　掛念這舊友
或者自己　早就想通透
來年陌生的　是昨日最親的某某
總好於　那日我
沒有　沒有　遇過　某某

typical 0既visual pop

終於托朋友幫我0係網上買0左スマップ0既2005 concert dvd
每一年睇佢地concert dvd時都有同一個想法
就係希望可以親身去到日本睇live
不過呢個願望似乎無乜機會實現得到

成個concert我最鍾意就係第二part
好有去渡假0既氣氛
可以感受到加勒比海同埋夏威夷0既陽光同海灘
好輕鬆, 好relax, 好開心~~~

呢個concert係收錄0係東京國立競技場0既其中一場
個場超級大
我覺得如果坐到最遠就算睇大螢幕都好細好唔清楚
雖然唱到中至尾部分會去到場中間唱
不過仍然都係好遠呀...

原來當日一直落住雨
就咁睇又唔係好覺
因為連d觀眾都好似唔係好濕咁

上年唱0左好多新歌
所以好似首首都唔係好識咁...

老實講
佢地跳舞唱歌一直唔係我杯茶
而且一定要睇埋
就咁聽0既話呢... *0*
不過我鍾意佢地一齊出現
concert係其中一個少數有齊佢地5個出現0既地方
又可以感染一下當時0既熱鬧氣氛
睇睇0下連自己都high埋呀
我最期待都係特典裡面0既MC部分
今年只係收錄0左一個MC
好唔夠喉呀!!!
上一次係有齊晒咁多個locations 0既MC 0架嘛
今年只係得一個
不過好在都有少少幕後花絮

睇緊0既時候
忽然覺得某某好似鄭嘉穎...
某某好似張衛健...
某某好似郭晉安...


＜＜収録曲＞＞
(1) Theme of 017
(2) BANG！ BANG！ バカンス！
(3) 退屈な日曜日
(4) ダイナマイト
(5) 夏楽園～clap your hands～
(6) Yeah Oh！
(7) Sweet Summer Surfing Season
(8) 僕の太陽
(9) あろはわい
(10) SPECIAL
(11) ハヌル～ヨンウォナンサラン～（邦題：そら～永遠の愛～）
(12) It's a wonderful world.
(13) Dawn
(14) Fine, Peace！
(15) オレンジ
(16) 世界に一つだけの花
(17) Shigusa
(18) YoHo～Scarface Groove
(19) HOLIDAY IN THE SUN
(20) 優しい言葉
(21) Wonderful Life～To be continued…
(22) ブリブリマン
(23) クイズの女王
(24) Let It Be
(25) 俺たちに明日はある
(26) Dandy Darlin'
(27) Triangle
(28) 友だちへ～Say What You Will～
(29) SHAKE
(30) 夜空ノムコウ
(31) オリジナルスマイル
(32) がんばりましょう
(33) 君色思い
(34) BANG！ BANG！ バカンス！
(35) Can't Stop！！ -LOVING-

寶劍命

甚麼命???

◎您是財富的寶劍，可以創造富貴，為人大方，充滿魅力與義氣，喜歡有禮貌，有智慧的人。有主導權與領導能力，對於現狀的不滿，能勇於突破。◎

根據命理來分析您的個性，潛意識，以及行為模式，您是屬於「寶劍命」，因此 您天生具有寶劍的特質，有魄力、義氣，與霸氣。您也十分有才幹與領導能力，富有公平心與正義感，喜歡保護弱小，不喜歡恃強凌弱，受人恩惠，必定回報，不願 意辜負別人，也不願意占人便宜。寶劍雖然外在感覺比較強勢，但內心卻很溫暖，吃軟不吃硬。寶劍銳利無比，因此您對於現狀的不滿，能勇於突破，抗衡壓力，改 變環境，掌握自己的命運，但是寶劍有時後使用不當，也會傷到自己人，因此您有時候會太過積極，造成身邊的人過大的壓力。

此外，您喜歡有聰明智慧，才華創意的人，不喜歡懦弱沒有擔當的人，而能讓您 佩服的人，多半是有領袖特質，能夠犧牲奉獻，講求公平正義的人。您的一生，像寶劍一樣，但是要成為真正的寶劍，寒光射天地，劍氣沖斗牛，是需要經過反覆的 淬煉。沒有經過淬煉的寶劍，只能成為廢鐵。然而要經過淬煉，需要有浴火鳳凰的精神，不怕痛苦與磨難，只要您經得起外在的考驗，不怨天尤人，進而學習成長， 一旦通過考驗，您的成就將不可限量，是領袖級的人物，風雨不能影響您，困難不能障礙您，成為不敗的常勝軍。

◎您本命五行木太旺，肝膽機能比較弱，容易肝火旺盛，要注意膽固醇，三酸甘油酯的問題。◎

根據命理分析，您天生肝膽功能比較差，在年輕的時候不會有太大的問題， 頂多是肝火旺盛，長青春痘，容易煩躁等問題，但是如果您現在不照顧肝膽功能，隨著年紀越來越大就很容易有膽固醇過高或三酸甘油酯過高的問題，甚至容易導致 免疫功能衰退、肝功能異常、脂肪肝、肝硬化、膽結石、膽囊息肉、青光眼、白內障或視力病變等問題。因此您不能過度勞累，而且千萬不能喝酒，要維持正常作 息，早睡早起，才可以保護先天比較弱的肝膽功能。

此外，所謂「病從口入」，人類大部分的疾病來源都跟飲食有關，根據中醫 理論，食物可以分成金、木、水、火、土等五種五行。您可能偏好吃酸的東西，像是泰國料理，或是酸辣湯等，應該都符合您的口味。因此，您的細胞中，充滿太多 「木」的五行，會導致健康，財運與事業的不圓滿，建議您平時最好能飲食均衡，菜色均衡，則陰陽五行調和，生活美滿幸福。

◎但是您八字缺火，心血管的機能也比較弱，容易有低血壓，貧血，心跳慢，容易疲累，手腳冰冷。◎

根據命理分析，您天生心血管功能比較差，所以容易感覺疲倦，也比同年齡的人 更早開始近視，冬天常常手腳冰冷，體力似乎不如人，因此無法從事需要大量勞力的工作。在年輕的時候不會有太大的問題，頂多是長青春痘，口舌生瘡等問題，但 隨著年紀越來越大，心血管功能需要更多的照顧，不然很容易有血壓、貧血、心跳不正常的問題，甚至容易導致心血管功能異常、內分泌系統異常、腸阻塞脹氣、心 律不整、心室肥大、腦溢血、中風、視力病變等問題。因此您不能過度勞累，要維持正常作息，早睡早起，才可以保護先天比較弱的心血管功能。此外，請您要定時 檢查心血管功能，更要注意家族裡是否有遺傳性的心血管病史，由於體質偏向心虛血弱，所以盡量不要喝冰的飲料，以免傷了元氣。

此外，您的精神體力都比一般人弱，也缺乏活力。您的朋友們晚上熬夜不睡覺， 隔天體能還能應付，但是您只要晚上熬個夜，或玩個通宵，隔天一定很虛弱。因為體力不足，所以您可能比較喜歡靜態的活動，靜態的休閒，不適合成天往戶外跑。 您也比較憂愁善感，腦神經比較衰弱，睡眠品質常常不太理想。如果您想改變這種現象，一定要早睡早起，最好每天晚上十一點前就寢。此外，最好多做日光浴，多 曬太陽，時間不用長，每天五分鐘就足夠了，但是要避開下午一點到三點陽光最烈的時間。只要您能持之以恆，那您的命運將會有很大的改變，身體健康，財運順 利，事業圓滿，家庭幸福。

◎簡易愛情分析，您是屬於雙方平等，保持距離的愛情。您的愛情不是屬於濃情密意的那一型，反而有一點像朋友，雙方地位比較平等，相互間追求一種平衡。您不是小鳥依人、百依百順的女生，也不容易找到很聽話的男生。◎

您愛情的模式，根據命理分析，在您生命中出現的異性，常常第一眼就很 容易喜歡上您，只要對方追得到您，您們的愛情會火速發展，雖然感覺很甜蜜，但不容易長久，常常半途而歸，因為要從頭到尾都維持相同的熱度確實有點難。一般 來說，異性對您的第一印象都會覺得很不錯，尤其您有才幹又有魅力。但是隨著交往時間越長，您的熱情不再，衝勁不再，新鮮感不再，取而代之的是爭執，雙方都 不願意退讓。換句話說，您很容易被人喜歡，因為得天獨厚，所以也就不太滿足現在擁有的。相反地，您的戀愛對象對於您會非常滿意，如果您要分手，他會死纏爛 打來維繫感情。因此，如果您在等待美好的愛情，您可以試著把自己的外在美收斂起來，讓對方不是只因為看到您的青春美貌或聰明才幹而跟您交往，而是要對方真 心覺得適合您才跟您交往。如此之前的桃花都會煙消雲散，而真正的愛情也將降臨。

在人生的旅程中，您的戀愛或結婚對象很容易出現，多半是「近水樓台先 得月」，因為常常在住家附近，學校，社團，或是工作場合見面而認識，一不小心就天雷勾動地火，迸出愛的火花。至於，結婚的對象，因為比較早熟的結果，因此 您很有可能會早婚。若是您到現在，對象還沒有出現，您身邊認識的人中，長得最俊俏，長得最帥的那一位就是了，只要您真心誠意給對方一點暗示，幸福就在您身 邊。

◎簡易事業分析，您的工作類型大部分都需要專業，從事一些技術導向的工作。這類型的工作，需要專業知識，經驗累積，以技術為導向。◎

每一個行業中都有不同的職位，而您的工作類型，不論在哪一個行業中發 展，大部分都需要專業，從事一些技術導向的工作。例如，財務、金融、會計、資訊、工程、律師、法務、顧問等擁有專門技術的工作。這類型的工作，需要專業知 識，經驗累積，以技術為導向。如果您選擇從事這類型工作，您會比較順利，輕鬆，也更能發揮所長。但是世界上跟您一樣有專業的人很多，唯有不斷進步才有無可 取代的價值。

另外，您的工作類型容易產生下列迷思。一、越是專業的人多半從本位角 度思考，不容易跟其他領域的人溝通。二、越是專業的人越不喜歡油腔滑調，阿諛奉承，除非上司有眼光，否則不容易得到提拔。三、越是專業的人只專注於自己的 領域，對於其他領域缺乏興趣，所以一旦進入領導階層，在整體策略上，容易見樹不見林。此外，對於其他工作領域，像是文化藝術的工作，協調整合的工作，瑣碎 事務的工作，或體力勞動的工作，都是您比較不適合的工作類型，您會覺得乏味無趣，不願意做，也做不久。

◎簡易財運分析，您會賺錢，也會存錢，而且也不容易缺錢。◎

根 據命理分析，您會賺錢，也會存錢，而且也不容易缺錢。您從很年輕的時候就知道錢財的重要性，因此您會比一般人更早開始儲蓄，所以當別人在揮霍金錢，享受生 命的時候，您在儲蓄，所以自然能夠累積更多的財富。此外，您天生比較精明，不會在不必要的地方花錢，但是您對於投資事業卻很有興趣，很希望能夠自己當老 闆，有自己的事業。如果以一生的時間來衡量，您今生大部份的財富會被您儲蓄起來，或是置產，或是投資創業。之後，這些財富大半會遺留給夫家。

千金難買心頭好

有一次和朋友逛街
看中了一隻日本版cd
看了原裝日本價錢
亦重覆檢查証實真的是日本版後
再看看標價
覺得都很reasonable
雖然比一般香港或台灣cd貴了些
但那隻cd就算在日本買亦要差不多錢
所以都覺得無問題
但我的朋友就跟我說: 那麼貴如果是我就不會買了
我就說: 你不買是因為你不是喜歡那隻cd, 跟它貴不貴無關

又有一次
另外一個朋友forward給我一些cosplay發燒友的相
然後他說: 是我就不會花那麼多錢去做那些衫和配件啦
我就說: 如果你真的很迷這東西, 你就會捨得花

其實我們都會對一些東西著迷或有興趣
一旦迷上了
都不會去考慮要花多少金錢和時間
只會想去擁有或去享受當中的過程

對自己本性進行大解碼

剛剛很無聊玩了個本性解碼遊戲
而亦都很很很無聊玩了兩次
出來的結果有所不同
所以証明這些小遊戲就好像流年運程書一樣
雖然生肖年月日一樣
得到的資料都會有分別
看那些流年運程書就算看多少本都只是相信自己想相信的comments
所以這個遊戲我也只是記下第一個亦即是我認為比較"準"的一個結果


牡羊座: 50%
雙魚座: 30%
水瓶座: 20%
原來我只得30%雙魚座...
令我有點驚訝

整體性格
爭強好勝，心地善良；熱情洋溢，注重禮節，既上進也享受生活；也有喜歡求新求變，慢條斯理，腳踏實地的一面。
小時候會爭強好勝, 現在這個特點只會偶然出現
多數只會享受生活而忽略上進

待人性格
待人：感情豐富；既喜歡與人同樂也能樂於獨處；謙虛但不虛偽；不太有排他性；作風開朗口無遮攔。
感情尚算豐富
喜歡獨處多少少
謙虛只不過是不夠自信的美化詞
但真的不太會虛偽
有時又真的幾口沒遮攔

處世性格
處事：有主張但沒有支配欲；擇善固執；有立場也能溝通；大而化之不拘小節；比較理想主義；既有計劃也臨機應變。
有主張的時候不算多
是很固執, 但不理有沒有擇善
有立場某程度上都是固執的一種
大而化小, 最好化到無
不過我做人不太有計劃

性格缺點
性格的缺點為：比較浪費出手相當豪奢；有時候不夠細心馬虎草率；偶爾會比較情緒化容易感情用事。
我... 不太算浪費吧
不夠細心是真的
情緒化最中

價值觀
重視的價值觀為：傳播真理；自由自在；讚美和掌聲；較不擅長：節儉守財；鞏固權力；微枝末節。
一定是自由自在啦
讚美和掌聲對我亦很重要
但我很節儉守財呀

愛情性格
在愛情上喜歡不急不緩的進展，不刻意製造但享受浪漫，能夠給對方自由；較常表現：樂觀積極，多愁善感，聰明機智，用情深刻。
不急不緩是真的
給對方自由亦希望對方給自己自由
多愁善感也是真的

金錢性格
金錢觀：花錢有分寸不浪費也不小氣，喜歡按照計劃用錢；容易把錢用於：提升自我形象，實現夢想，標新立異，享受生活。
我已說過我不浪費啦
我花錢真的很有分寸呀
不過偶然我也會闊綽一下
無錯, 最會把錢用於享受生活上

文章分類

終於完成文章分類工作
以後要找舊posts就方便得多啦~~~

有得聽又有得睇

看報得知有這個program
可以將files upload上去同一個site
簡單又方便 (所以我才可以弄到... ^_^;)

暫時只有3首歌
遲少少可能會有video同埋相

可以click最左手邊的藍色圓形加箭咀
然後選play music
再選歌仔聽

又或者click最右手邊的藍色三角箭咀
見到有一個綠色音樂符號就click下去
就會自動play歌仔

不過最衰就是它不support opera browser...
唯有用firefox啦

日劇collection

將自己看過的日劇作了整理
當中的comments有長有短
都是自己的真感想
當然, 只要我還喜歡看日劇
這個list是會不斷update的


日劇link

fortune cookie

We cannot direct the wind but we can adjust the sails.

それだけです

ここに一冊の本があります。この本の持ち主は、この本を読みたいと思ったので買いました。しかし、今度読もう今度読もうと思いつつ、すでに一年がたちまし た。この本の持ち主は、これを読む時間がなかったのでしょうか？たぶん違います。読もうとしなかった。それだけです。その事に気付かない限り、５年たっても、１０年たっても、持ち主はこの本を読むことはないでしょう。受験まで、あと一年です。みんなさんの中には、あと一年しかないと思ってる人もいるかもしれません。でも、あと一年しかないと思って何もしない人は、５年あっても１０年あっても、何もしないと思います。だから、一年しかないなんて言ってないで、やってみましょう。この一年、やれるだけの事をやってみましょう。 中村秀雄

~ドラマ『僕の生きる道』第２話より~

這裡有一本書, 擁有這本書的人是因為想讀這本書才將它買下來的。但每次這人都會想: 下次讀吧, 下次讀吧, 就這樣一年就已經過去了。這是不是因為這本書的主人無時間去讀這本書呢? 大概不是吧。只是沒有認真地想去讀罷了。只不過是這樣吧。沒有察覺到時間已過去, 就算再經過多5年又好, 10年又好, 擁有這本書的人依然沒有讀這本書吧。距離考試只有1年時間, 大家當中應該會有人覺得只有1年時間很短吧。但是, 有這個想法而甚麼都不去做的人, 即使他們會有5年甚至10年時間, 我覺得他們也只是甚麼都沒做。所以, 不要再說只剩下一年時間那麼短這些話了, 就嘗試去做做看吧。就在這一年, 嘗試做一些自己能夠做得到的事吧。 中村秀雄

~from 電視劇〈我的生存之道〉第二集~

** translated by tsubasa **

斷背山小說

昨晚終於的起心肝讀完Brokeback Mountain小說版
只得二十多頁的小說
就交代了兩位男士20年來的感情生活

沒有看過電影
只是一邊讀小說一邊幻想當中的情節
有兩個場面令我最深刻
這兩個場面都是接近結尾:

第一個是Ennis跟他的老婆Alma離婚後
Alma在和Ennis食完Thanksgiving dinner之後跟Ennis所說的一番話:

"You know," she said, and from her tone he knew something was coming, "I used to wonder how come you never brought any trouts home. Always said you caught plenty. So one time I got your creel case open the night before you went on one a your little trips -- price tag still on it after five years -- and I tied a note on the end of the line. It said, hello Ennis, bring some fish home, love, Alma. And then you come back and said you'd caught a bunch a browns and ate them up. Remember? I looked in the case when I got a chance and there was my note still tied there and that line hadn’t touched water in its life." As though the word "water" had called out its domestic cousin she twisted the faucet, sluiced the plates.

~ page 15

我很能感受到Alma對Ennis的愛
即使知道Ennis在外面有古怪
即使知道Ennis不是去釣魚
但仍然希望她所想的不是真實
仍然抱著一絲希望
希望Ennis所說的話有一日會是真的
可惜她愛上了不應該愛的人
最後改嫁了
應該會得到幸福吧

而第二個場面是當Ennis得知Jack去世後
就去了Jack的家, Jack的房間
Ennis發現原來Jack偷偷地拿了他的衫
將它掛在自己的衫下
就好像是自己的第二層皮膚一樣
讀到這裡我也被感動了
這種要將對方跟自己合二為一的想法
是要有很深的情才會有的

讀完小說版
我終於明白李安所講的"每個人心裡面都有一座斷背山"是甚麼意思
很多人認為"斷背山"就是同性戀的意思
我相信說這些話的人沒有看過這部電影或小說
或沒有真真正正去感受當中的意思
以為內容是關於同性戀的就隨便對號入座
當中所講述的愛
是一個人對另一個人所付出的愛
是很深而且很濃的
兩者的性別不一定是相同
如果單單因為"同性戀"而錯過這部電影或小說的話
they actually miss a lot more than a story or a movie...

*****************************************************************************

There was some open space between what he knew and what he tried to believe, but nothing could be done about it, and if you can't fix it you've got to stand it.

~ page 26

會過去的... 嗎?

近日心情不太好
腦內常常湧現很多以前的不快事
當中很多都是很久很久以前的事了
一直以為自己已經把它們忘記了 (那... 該不是老人痴呆症的先兆吧...)
有時我會問自己
是不是個腦很清閒呢?

這令我想起了Air Supply的Here I Am裡的幾句:

Here I am playing with those memories again
And just when I thought time had set me free
Those thoughts of you keep taunting me...

Just when I thought I was over you
And just when I thought I could stand on my own
Oh baby those memories come crashing through...


p.s. "you" can be anyone, anything...

人生於世

《人生於世》

曲 : 取自"你濃我濃"
填詞：廬國沾
主唱：張德蘭

人生於世
有若寄塵
人人尋找
那夢裡人
得到接近
去愛去恨
有誰會保證心相印

陽光普照
照耀世人
茫茫人海
你扮哪人
只要有利
個個搏命
世人既紛爭只欠公允

日日在鬥
引誘你是情與慾
個個去爭
引誘你是名與利

人生於世
有若寄塵
韶華如飛
歲月老人
衰老以後
你會問：
我何故手腳都顫震? (我何故一生一世打滾?)

************************************************************************

今日聽到呢首陳年老歌
人其實一生出來就要面對競爭
除非條命好到震
否則為生活而奔波就在所難免
有些東西是不能不去爭取的
當然同時亦都要行得正企得正
雖然有好多人會認為只要成功
當中做過甚麼無人會計較
但我覺得過程當中可以反映到一個人0既修養
所以過程同埋結果同樣重要

希望我老0左唔會問最後0個條問題
條問題實在係太悲哀喇

當頭棒喝

電台電視台常常都會請風水或堪輿學家接受訪問
我通常都只是聽過就算
並不會將那些說話放在心上
但昨晚其中有一句對我來說算是一言驚醒
其實這只是一句很普通的說話
只是我平時把它忽略了吧
那位先生說:

改變名字改變相貌只不過可以增加少少人緣運
要改變性格才能夠改變命運

這兩句說話其實只不過是common sense
性格不好做任何事阻濟自然多一些
脾氣差和別人相處起來自然覺得比較難
彷彿跟誰也合不來似的 (包括家人、情人、朋友、同事)
自然就會覺得自己條命差啦

"單攤"皇后西街半日自由行

尋日晏晝同d friends去0左"山窿粉"食越南粉
叫0左個牛筋湯粉同埋熱杏仁奶茶
再share一個炭燒豬頸肉同埋時菜王子菇
好耐無去過呢度喇
我而家至發覺佢只係得一種檬0乍 (真奇怪...)
d 0野食都幾好味 (淨係個炭燒豬頸肉唔夠"西貢星"d咁冶味)
不過d service就... 不敢恭維囉...

食完就落0左"單攤"
首先去0左我初來步到時住0既舊居
之後就沿住條Queen's Street West行
d舖頭跟uptown個d好唔同
唔知點解行行0下覺得自己好似0係日本 (日本病又發作...)

其中有一間專賣figures 0既店舖
入到去覺得自己變0左個電車男
好多唔同大小唔同種類0既figures
又有好多同アニメ有關0既商品
例如漫畫書、dvd、公仔、啤牌...

行到咁上下
就去Lettieri飲0左杯熱mocha
好正~~~

坐0左一陣飲完0野
我地就再0係附近行多一個鐘
到d舖頭要閂門
我地就去希臘街一間叫Astoria Shish Kebob House度食dinner
首先叫0左杯vodka cooler
即係vodka加0左d糖
甜甜地幾好飲
然後我地就叫0左:

• 一個chicken souvlaki - 個雞好味又好淋
• 一個lamb souvlaki - 無食, 因為我唔食羊
• 一個pork souvlaki - 食0左一件, 覺得比較熟0左d
• 一個two choices dip (garlic mash X fish roe) - 呢個連埋pita bread, 個pita bread軟硬適中, 個fish roe dip個味好易入口, 會有食完想要再食0既衝動, 不過我就嫌個garlic mash唔夠重蒜味

每個souvlaki都有green salad同埋side dish (有炸薯條、薯仔同埋飯之中揀兩樣)
d份量都好足
食到我地個個捧住個肚走

之後我地就去0左其中一個friend屋企
餘慶節目就係睇周星星同埋梅姐0既〈審死官〉
唔... 呢d先至係笑片嘛...
睇完其實都成12點幾
之後吹水竟然吹到成4點幾
尋晚仲要校鐘
無0左一個鐘
所以變相係成5點幾至返屋企...

尋日半日自由行所得0既收穫:
日式小手挽袋一個 (遲來的禮物)

こげぱん

加0左個こげぱん個相0係個profile度
鍾意0左呢個公仔都有4年喇
當時最瘋狂0既時候買0左好多佢0既電話繩同埋公仔

こげぱん係有d悲觀
會"隊"牛奶 (等同"隊"酒)
同我幾似
不過有時又會突然間充滿信心要上進
但係都只係三分鐘熱度
又係同我差不多

こげぱんofficial site

虫畫虫話

不知人是否就有種不安於室的傾向，當長時間處於同一環境，同一行為時，就覺不安，總希望來一下改變。我這個感覺不知大家同意不同意，而我的確是經常出現這種感覺，也不知是不是所謂創作人的特徵，也可以說有這特徵的人是注定吃創作這口飯。

我曾仔細地分析自己，也仔細地想過這種行為的原因，所得到的結論有兩個：

「愛好自由」─ 當一種行為重複的時候，這行為好像變成了框框，自己就好像活在框框裏面，渾身不自在的想走出來，伸伸肢體，吸口新鮮空氣。

「追求完美」─ 心態可能和探險家、科學家一樣，從已知的去追求未知，我不同意有些人覺得這是因為好奇，這絕對不是因為好奇，是為了甚麼，我也說不出個所以然，我自己覺 得，這是上天給了我們這種性格，等於給了我們一項任務，要我們把收藏好了的東西一件件的找出來，收藏了好多完美的東西，我知道窮此一生也完成不了這任務， 只好找一件算一件。

轉自2005年12月24日"虫畫虫話"

我也有同樣感覺
我的原因正是上面所寫的「愛好自由」
但我不諱言"愛好自由"其中也包含"懶"這種因素
其實另一方面也很矛盾
轉變亦會令我不安
雖然有時會對自己說"死就死啦"
變了至算

我現在用的mouse pad都是阿虫作品
是朋友在很多年前送的生日禮物(不過我最近才拿來用)
那時我的第六感告訴我那個朋友將會送mouse pad給我做生日禮物
結果是真的
其實我都不知為什麼會有那個感覺
我之前都沒說過要mouse pad

很多年前在香港書展見過阿虫
那時並不知他就是阿虫
早知就過去跟他要個簽名
順便叫他贈我兩句啦...

平井堅10th Anniversary Tour

買唔到平井堅的single collection cd
就唯有買隻2005 10周年concert dvd啦
仲好, 有得睇又有得聽
雖然已經講過好多次
但都忍唔住要再講多一次
佢把聲實在係太~~~正, 太~~~特別, 太~~~舒服啦!!!

収録曲:
M1) Precious　Junk(１st)
M2) 片方ずつのイヤフォン(２nd)
M3) LOVE　OR　LUST(１０th)
M4) 楽園(８th)
M5) Ring(１７th)　～even　if（piano　instrumental）～
M6) キャッチボール
M7) 思いがかさなるその前に・・・(２２rd)
M8) 強くなりたい
M9) LIFE　is…
M10) キミはともだち(２１st)
M11) 言わない関係
M12) 瞳をとじて　(２０th)　～大きな古時計(Chorus　Harmony)～
M13) Strawberry　Sex(１５th)
M14) style(１９th)
M15) KISS　OF　LIFE(１３th)
M16) Love　Love　Love(７th)
M17) センチメンタル
M18) gaining　through　losing

TRICK + 千杯不醉

剛剛看了TRICK的2005特別版
以為是電影
原來是電視
故事基本上是不錯
但我覺得劇情方面可以再elaborate多些
可以再加多些其他trick的方法
在劇內出現的太少之餘亦太簡單
這方面比起普通版電視劇稍為遜色
上次電視版完場時奈緒子和上田不是發展得好好嗎?
今次又回復原形啦...


看完TRICK就看"千杯不醉"
笑都幾好笑
其中最好笑就是楊千嬅對吳彥祖講十大住宿規條時在每條規條所出現的畫面
同埋楊千嬅同吳彥祖xx之後楊千嬅大嗌
不是因為xx
而是因為無化妝
之後就即刻飛奔入洗手間搽粉...

有又煩無更煩

已記不起從甚麼時候開始
女星們都不介意公開有關她們的生理周期的事
時間準不準, 有多久沒來, 痛到影響工作表現...
好像有關自己的事已講到講無可講了

最近香港打算給女性員工每月一天的月經假
對每月都要受痛楚煎熬的女性確是一個天大喜訊
但我第一個反應就是:
那豈不是每個同事都知道我的周期狀況?
當然我相信他們也不會特別去留意
但我心裡面總是會覺得不自在

前排聽新聞說現在科技可以將每月一次的生理周期減至每年四次
雖然有些醫學界人士說不應該擾亂這天生的生理系統
但我真的是舉腳贊成
那種陰陰痛, 求生不得求死不能的痛是很難受的呀
去看醫生
他也只是叫我要不食止痛藥
要不就生小孩
有時太痛的時候真的想將子宮一刀切掉!! >_<

山

李安：「每個人心裡，都有一個斷背山......」
錢家樂：「每個平胸女人心裡，都有一個李珊珊 ......」
向生：「每個嫌自己肥既女仔心裡，都有一個張玉珊......」
黃德森：「每個香港風帆選手心裡，都有一個李麗珊......」
十三哥：「每個咸濕伯父心裡，都有一個安祿山......」
霑叔：「每個香港人心裡，都有座獅子山......」
男人：「每個男人心裡, 都有一座飛鵝山......」
女人：「每個女人心裡，都有座鑽石山......」
清明又近，每個中國人心裡，都驚拜錯山
杜汶澤：「每個香港人心裡，都想住半山......」

~ copied from forum

tsubasa: 「我心裡成日都諗幾時可以收山......」

飲飽食醉之後...

今晚去0左10世無去0既金田川
食0左我0既favourite ~ 海膽
同埋其他sashimi
再0黎一客sake(個sake超正~~~)
簡直就係完美呀!!! ^_^

這麼遠又那麼近

記得在小學時期
只有幾歲大的我寫了一封信給20歲的自己
當時認為20歲的我一定是個大學生
認為小學升中學, 中學升大學是十分理所當然而直接簡單的事
並沒想像到過程當中有那麼多的考試和難關
10歲未到的我覺得20歲是十分遙遠的事

到了自己20歲
其實已經忘了那封信
20歲時的我覺得自己讀書畢業然後找工作是自然不過的事
當時並沒有很認真的想到將來
只要自己當時過得開心就可以了
問我要想做甚麼樣的工作?
對不起, 我答不出
30歲時的我會變成怎樣?
我並沒有認真考慮過
同樣是10年時間
20歲至30歲雖未至於10歲到20歲那麼漫長
但又並不是一下子就要來的感覺

到了30歲
呀... 不得了
同樣是10年時間
40歲就好像在前面不遠處
那種感覺就好像是雖不至於觸摸得到
但已經可以看得見了
還要考慮一下退休後的生活
還不儲錢就會太遲了

聽說時間流逝的速度不是永遠都一樣
我開始能領會到箇中意思

Big surprise!!

今日驚喜一個接一個
好感動呀~~~

嗅覺影響腦神經

今天在office聞到香蕉味
就令這幾天都口淡淡的我想起小時候在松阪屋地牢食的香蕉班戟
唔... 好想食呀~~~

搵住幅相頂住癮先...

新耳袋逐個講

睇晒3輯新耳袋
多數都好精彩
只係其中有d故事奇奇怪怪0左d

我最深刻印象0既有:

「修学旅行」- 修學旅行
都幾common 0既故事
0係古舊旅館洗手間內見到d恐怖0野
最嚇人就係最尾個shot

「採訪百怪談」 - 採訪百怪談
去採訪0既原來全部已經唔0係世上

「背広返し」- 倒背人
個背脊無端端向0左前面都幾恐怖

「忘れ物」- 遺忘物
都係想拎返d屬於自己0既0野0者
搵番出0黎俾返人就乜事都無啦

「さとり」- 頓悟
原來自己將來0既另一半自己0係小時候已預料到

「石つぶて」- 石子
千祈唔好亂咁challenge人地呀

「あそぼ」- 一起玩!
搵人一齊玩兼搵埋替身

預祝節目

今日好溫暖呀
有成8-10度
唔駛又要著住件厚褸啦

0係Ten23唱完K去0左Yonge同Finch叫"樂天"0既韓國餐館食飯
叫0左石頭飯、炒年糕加牛肉、豬骨湯&清湯牛肉
個石頭飯d飯焦好好味
個炒年糕勁辣
不過就好煙韌
同埋好彩d辣味好快就過
個豬骨湯就ok啦
我覺得d豬骨唔係太淋
同埋可能食0左d勁辣0既年糕關係
個豬骨湯變0左無乜辣味
最尾個清湯牛肉都好正
不過太飽喇
只係食0左少少
仲有仲有就係d配菜超好味
尤其是個薯仔同埋d海帶

食完就食個tiramisu做甜品
今日真係"大滿足"啦~~~

今晚個天漆黑一片
所以可以好清楚睇到個又圓又大0既月光~~

手指變長大法

有一日:

娘: 咦, 乜你隻食指長過隻無名指咁多0既?

我: 0下? 唔知呀, 由細到大我隻食指都係長過隻無名指0架啦

娘: 呀, 我知喇, 你梗係成日用隻mouse(中間個wheel)用得多, 所以隻食指咪變到咁長囉

我: ... (咁都得?)

咩人呀

李安拎奧斯卡最佳導演獎
各報導都話呢個係為華人增光
我都覺得係
不過有感而發
可能我0係外國住耐0左
華人只係其中一個少數民族
當有甚麼得獎呀第一呀
總之個姓係唐人姓不論來自何方都好
都會大肆報導
其實當中有好多自小0係外國長大
完全唔識中文
有無諗過佢地根本無當過自己係唐人呢?
根本唔會因為自己係唐人得到甚麼殊榮而驕傲呢?

0係我心目中
如果仲當自己係中國人0既話
點都應該識講少少中文
我承認如果自細0係外國生活長大
要講到流利中文唔係一件易事
當中過程都好艱苦
但就算講一兩隻中文字都好
至少俾人知道自己個心都當自己係唐人

當我見到呢d得獎人接受訪問時只會用英文(或中文以外0既語言)0黎答0既時候
我就覺得好奇怪
究竟佢地係咪真係中國人0架?
係咪我地成日都要搵d乜0野0黎證明唐人(特別0係外國)0既價值呢?

你情我願

今日有幾個同事話想搵人幫手做個project
其中一個提議搵我
其他人都無反對
但有一個就即刻話: 我地都要問下佢願唔願意先0架 (but we need to ask her if she's willing to do)

咁又係喎
通常搵人幫手都會問有無時間又或者方唔方便(即係已經expect 0左人地係願意幫自己)
我又好少諗話問人願唔願意喎

怪談新耳袋

買0左3個series
剛剛睇完第一個
好正呀~~~
最鍾意就係一個故事只係5分鐘
絕唔會拖泥帶水

不可思議0既事
不單止係恐怖
亦都可以好感人

世にも奇妙な物語~~2005秋の特別編

「８分間」　坂口憲二

「過去が届く午後」　松田聖子

「影武者」　原田泰造

「ネカマな男」　椎名桔平

「越境」　木村佳乃

***********************************************************************

「８分間」　
在這個空間
每天都有8分鐘時間無意識地想結束自己的生命
幸而每次都能獲救
但最終都逃不過死神的呼喚
當以為生命已到了盡頭
這才發現其實在另一空間
自己才剛從鬼門關中逃過來
原來自己並不是想將生命結束
相反是想盡最大努力生存下去

「過去が届く午後」
你睇人好
人睇你好
各人有各人的命運
很羨慕人家有很大成就嗎?
可能人家正在羨慕你有幸福的家庭也說不定
人生的路走過了就過了
要回頭也不可能
倒不如安於現狀
自己以及身邊的人都會活得快樂

「影武者」
國家最高層找替身幫自己應付危險關頭
以為這樣就可以活得長久
可惜這些高層們因為各種不同原因都被替身殺了
其實那些歷史人物是否都只是從鄉間找來的替身呢?

「ネカマな男」
住在同一屋簷下的夫婦
因某種原因令關係變差
老公只跟網友傾心事(還要利用自己老婆的身份)
老婆見狀便用另一身份成為自己丈夫的網友
老婆用盡方法希望關係能變得像從前一樣親密
可惜最後陰差陽錯
兩人陰陽相隔
老公這時才知道真相
可惜一切都太遲了
我真想點軟硬天師和王菲的"請勿客氣"給他們
別客氣 可否別客氣
跟愛人揭秘 說一句極愛你
如愛他 不必神秘
高聲直說嘛 說一句極愛你

「越境」　
真的有另外一個世界嗎?
每個人在活在這個世界的同時都活在另一個世界中嗎?
自己最愛的人給殺了
去另一個世界
除了可以開始新生活
最重要的就是希望能碰上他
雖然在另一個世界的他有很大可能跟自己沒有任何關係
但這些都不重要了
只要能碰上他
告訴他所有的來龍去脈
那就已經足夠了

集體回憶過後

剛剛睇完草蜢我們的演唱會dvd
集體回憶完畢
真不愧為2005年最好睇演唱會
自己就好似返番去10零歲咁
同樣我覺得佢地亦好似返番去0靚仔時期咁
如果我0係現場
我一定嗌到&唱到失聲

• 原來蔡一智都幾多作曲填詞, 唔好意思, 以前真係無留意
• 原來〈朋友〉隻歌係蔡氏兄弟作曲, 我仲以為係日本改編0添
• 亞細對住老婆唱〈永遠愛著你〉真係好鬼死sweet呀
• 姑勿論佢地之間有無不和, 亦排除甚麼"陰謀論", 唱〈失戀〉時, 亞細一個仲0係台下握手, 蔡氏兄弟就面對面一齊跳舞, 我有一種好特別感覺, 一齊玩到大夾到大真係唔同d
  

A級秘密?!

真攞膽!!!
原來宇多田光隻"Can You Keep A Secret?"中文係"A級秘密"!!!!

不過話時話
呢個2004武道館concert好正!! (雖然我最鍾意係佢第一隻碟d歌)


収録曲:
01. 光
02. Traveling
03. Letters
04. Another Chance
05. In My Room
06. Can You Keep A Secret?
07. Addicted to You [UP-IN-HEAVEN MIX]
08. Sakura　ドロップス
09. サングラス(Rehearsal Scene)
10. 甘いワナ～Paint It, Black
11. Movin' on without you
12. 蹴つ飛ばサ！
13. Wait & See ～リスク～
14. COLORS
15. First Love
16. Deep River
17. Distance
18. 嘘みたいな I Love You
19. Automatic
20. 幸サにいな
21. B&C

30'mething

首先超感激v寄來0既dvd

我係從台前幕後回憶錄開始睇
整個show最深印象有:

食多d食多d食多d
最搞0野係亞Jan扮d 0靚仔兇人
望咩呀? 望咩呀?? 望咩呀???
係咪打呀? 係咪打呀?? 係咪打呀???
啤咩呀? 啤咩呀?? 啤咩呀???
你同我企0係度呀? 你同我企0係度呀?? 你同我企0係度呀!!!

***************

扮Disney parade
白雪公主、Minnie & Mickey好搞笑

***************

欣宜
"如果我個女係鄭欣宜0既話咁我死喇真係
即係話--我老婆係肥姐啦??
"擲"死~~... ..." *_*

"若果我個女係欣宜0既話
咁我... 咁我咪即係秋官?!"

咁都俾佢諗到
勁呀!!!

****************

sales推銷和"多晒拜"&日本料理侍應的"12354"
其實香港人講說話勁快
"一輪咀"
亞Jan扮推銷員扮得好似~~
至於"12354"嘛
也難怪
我相信無幾個員工有機會受過正確讀音訓練
唔好話日文
上次返香港(雖然已經係上世紀0既事)
去某大商場內0既footcourt一個賣台灣小食同埋珍珠奶茶0既連鎖店
我一行到去全部員工就同我講同一句說話
我諗0左好耐先至諗到係國語"歡迎光臨"
因為實在聽唔出有4個字... ^_^;

****************

四台聯頒
亞Jan扮四台0既司儀好正好掂
尤其扮呀蕊

****************

至於最後0既台前幕後回憶錄
其中有呢一段:

Jan: 有無聽過"男子組"呢一首歌呀?
女子: "男子組"呀?
Jan: 無... 無乜留意
女子: err... 有聽過個名
Jan: 但係唔知咩0黎0既
女子: 有聽過個名, 但首歌係點... 就唔記得首歌係點
Jan: 咁有無聽過"流行曲"呀?
女子: "流行曲"?? 流行曲有聽過, 但係... 個名呀?
Jan: 0客
女子: 無喎, 唔好意思
Jan: 無聽過
女子: 無呀
Jan: 咁今年你投"我最喜愛的男歌手"都係投陳奕迅0既?
女子: 係呀
Jan: 陳奕迅咩歌呀咁?
女子: 佢... err... err... (Jan開始感到迷惘) 咩歌名呀... 佢有首歌... (Jan越來越迷惘)
Jan: (非常迷惘地) 咩呀?
女子: 新歌0黎0架... 唔知...
Jan: 0客... (極度迷惘中)

*******************

我始終覺得要軟硬一齊先至有最大0既火花
棟篤笑得一個人
好似詹瑞文話齋
只係一直出招
但如果軟硬一齊就唔同
有來有回先至擦出火花
就正如"老人院"咁
11, 12年後聽返一樣搞笑一樣無out個感覺

超級期待軟硬重組~~~