講完80年代就梗係要講埋90年代啦
也是蘋果日報做的...
*************************************************************************************
1.四大天王 其實呢個名幾好丫, 唔洗咁多個人名嘛... 當年d乜乜頒獎典禮佢地玩晒
2.玉女呢個我唔0岩喎, 硬係覺得名不符實
3.周星馳嘩, 又0黎周先生? 即係呢, 之前講過, 《食神》之後就... 我都係buy80年代至90年做電視0既周先生
4.王家衛我居然覺得《阿飛正傳》好睇, 雖然唔係好知講乜
5.《大時代》丁蟹、玲姐、方展博呀嘛, 丁蟹好鬼煩囉
6.王菲coming back之後好好多, 我好鬼鍾意聽佢d歌0架
7.王傑我最鍾意佢隻《酒醒酒醉》, 雖然唔係最hit
8.林志穎嘩, 小旋風呀, 話城城係佢老豆呀嘛, 不過我又對佢無乜感覺
9.金牌監製鄧特希《壹號皇庭》好正0架, 最初係週末播, 一個禮拜播一次, 當時已經追0架喇, 余在春同埋江承宇呀嘛, 之後買埋隻OST
10.師奶殺手陶大宇呀嘛, 當年真係好鬼勁囉, 不過我鍾意歐陽震華
11.台灣歌手係呀, 0個時好多國語歌, 除了蘋果列出0既陳淑樺、伍思凱、張洪量、優客李林, 仲有童安格同埋庾澄慶
12.《還珠格格》好記得當年多倫多仲早過香港播呢套劇, 之後香港播完大hit, 多倫多又再播多一次, 不過我就完全無睇過...
13.鄭秀文、許志安well, 對鄭小姐no comment
14.《午夜凶鈴》其實呢, 貞子0係電視爬出來0個時我覺得有d好笑... 套戲我覺得有d悶0架, 本小說就好睇好多
15.《天若有情》嘩, 華Dee呀, 套戲睇過好多次喇
16.木村拓哉well, 唔識欣賞木村d演技, 做套套劇都係一樣表情一樣語氣 (但係又有咁多人讚...) 不過呢, 我已經好耐無睇佢d劇(陰影仍在呀), 而家係唔係都係咁就唔知
17.卡拉OK 哈哈哈哈, 我最鍾意... 至於飛圖, 我梗係記得啦, 除了梁雁翎 《像霧像雨又像花》, 仲有葉玉卿 《卿卿我我》、蔣志光 《舊朋友》... 日播夜播, 同洗腦一樣
18.煲日劇真正瘋狂係由98年開始, 一直至今, 當時無網上睇, 只係靠vcd, 都洗唔少錢
19.《X檔案》呢個其實好少睇喎...
20.《超級無敵獎門人》最鍾意估歌仔, 不過次次都好似玩得0個幾隻歌
21.《真情》我都有睇0架, 好經典0既師奶劇
22.《包青天》金超群同埋何家勁呀嘛, 好好睇0架, 我記得有一集(第一集?)有劉雪華嘛, 當年要快d做完功課睇0架
23.肥師奶呢套都好正, 當時覺得姜大衛好犀利, 未被周嘉玲撬走前的確好型, 之後衰0左就真係好似老0左廿年咁
24.《長腿叔叔》套卡通好好睇0架, 隻歌去K都會唱
25.《侏羅紀公園》成堆恐龍嘛
26.《古惑仔》除了細細粒同埋陳浩南, 仲有山雞呀
27.和記廣告呢個只係睇過唔知一個定兩個versions咋
28.《Beach Boys》呢套無睇過... 雖然而家都可以睇到, 但係咁耐以前, 會唔會好難頂?
29.《表姐你好嘢》 哈哈哈哈, 呢個記得呀, 表姐以為捐款人d名同埋銀碼係卡拉OK歌詞, 照住0黎唱
30.Take That咦, 咁Backstreet Boys呢? 我buy Backstreet Boys 多d喎
31.解剖外星人哈哈哈哈, 呢個我記得, 成班傻仔... 慾海肥花都好好笑~
32.奇洛李維斯呢個唔係好0岩我喎
33.寶麗金三小花 呢個... target都唔係我, 不過我覺得湯寶如ok 0架
34.葉玉卿卿卿呀嘛, 難得佢影完裸照拍完三級片仲可以入到屋做電視同唱歌, 之後仲有美滿家庭
35.寫真熱真係男女都有喎, 任達華都有喎好似
36.海潮呢個經典, 我都有追套劇, 走難仲跌晒膊
37.火車鬧鬼廣告呢個真係好恐怖, 雖然我睇0左好多次都睇唔到d乜
38.黎姿愛美神飛彈呀嘛, ok啦, 無乜感覺呀
39.林夕 VS黃偉文而家仲係呢兩個喎, 其實兩個我都buy
40.合唱歌當年我將我有d合唱歌dup落一餅帶度, 餅帶而家仲聽得0架
41.《男兒當入樽》呢個唔係好識喎, 淨係聽過個名咋喎
42.《 Especially For You》Jason Donovan同埋Kylie Minogue, 靚仔靚女, 隻歌又好聽, 當年成日聽0架 "No more dreaming about tomorrow. Forget the loneliness and the sorrow..."
43.《無人駕駛》呢個雖然我無聽過, 但係都知係乜
44.飯島愛個名就聽得多...
45.周華健嘩, 當年周華健真係好紅, 我都好鍾意聽, 最鍾意《孤枕難眠》
46.傳記片又係喎, 0個時好多傳記片喎, 《跛豪》同埋《雷洛》都有睇
47.《新不了情》well, 袁小姐係我0既趕客其中一寶... 呢套戲當然係無睇, 不過最勁0既係隻主題曲0係去年0既超級星光大道又再hit起來
48.碧咸與辣妹 well, both are not my cup of tea
49.《風雲》 套戲睇0左兩次, 因為第二次唔洗自己俾錢~
50.湯漢斯 VS丹素華盛頓無乜感覺, 對西人無乜興趣
51.《人鬼情未了》不過呢套戲當年實在hit, 隻《Unchained Melody》仲勁
52.松松姐姐嘩, 唔好玩啦, 又一趕客其中一寶...
53.《強姦》系列呢個有聽過, 但無乜留意喎, 當年真係咁勁咩?
54.Marlboro Red Hot Hits《火熱動感 lalala》呀嘛
55.林憶蓮 VS葉蒨文兩個對我來講都係差不多
56.美琪賴恩我淨係記得《City of Angels》咋喎
57.曉格蘭特我淨係記得佢去召妓...
58.《鐵達尼號》You Jump, I Jump呀嘛... 我又覺得幾好睇喎, 記得當年我0係學校讀過講Titanic發生意外過程0既書, 之後呢套戲就開拍上畫喇
59.《本能》Sharon Stone嘛
60.茱莉亞羅拔絲Pretty Woman嘛
61.《虎膽龍威》Die Hard呀, 無睇過, 不過呢兩個字當年成日講
62.占基利無乜留意喎, 淨係知佢好出名...
63.吳剛搽油運功食炭飲滾油呀嘛, 都好好笑0架
64.《Yes!》雜誌當年自己又會低能到去買喎, 成$10一本0架嘛, 都唔知係咪撞0左邪... 仲有城市驚喜呀嘛
65.《我和殭屍有個約會》唔好意思, 一d興趣都無, 我仲覺得好難頂, 尹天照好唔掂, 萬綺雯好似淨係佢有對腳咁
66.《尋找他鄉的故事》當年老豆勁buy, 重叫我錄起佢, 不過又真係幾好睇
67.《陰陽路》系列無睇過喎, 不過就當然知道龍婆啦
68.濱崎步 VS 宇多田光 我鍾意宇多田光, 有買佢第一隻cd, 基本上裡面隻隻歌都好聽, 至於濱崎步嘛, 我唔識欣賞囉
69.《笑聲救地球》哈哈哈哈, 呢個正呀, 乜太同埋胡大為呀嘛, 仲有每集最尾隻歌"chalie chalie cheap bom bom"
70.安室奈美惠Can you celebrate? Can you kiss me tonight?
71.李麗珍 話時話, 佢本寫真, 我當年有睇過0架
72.狗仔隊 哎, 諗起戴妃...
73.黃飛鴻系列 呢個無乜留意喎...
74.小室家族 當年都好鍾意聽TRF 0架
75.美少女戰士 嘩, 唔係好0岩我喎
76.Bjork err... 無乜興趣喎...
77.彭丹 拱"巢"同埋"依"字馬呀嘛
78.張立基 佢隻《你好嗎?》幾好聽0架
79.《陀槍師姐》 娥姐同埋陳小生呀嘛, 好好睇0架, 不過之後轉0左衛英姿就... 我都係鍾意娥姐多d
80.麥嘜 err... 無乜感覺喎
81.鐵達時廣告 係咪"不在乎天長地久, 只在乎曾經擁有呀"? 同梅艷芳拍0個個男仔(呀Paul?)之後做0左佢男朋友, 有另外一個version係王傑拍0架
82.無綫台慶頒獎禮 唔... ok啦, 咪又係遊戲一場...
83.《蠟筆小新》 我唔0岩0架喎...
84.《新世紀福音戰士》 名就聽過, 但唔係好知係乜
85.New Kids on the Block 都係0過句, 點解唔講Backstreet Boys?
86.Grunge Rock err... 唔識喎...
87.K-swiss 咦, 乜當年好hit咩?
88.《金田一少年事件簿》 有睇電視劇, 幾好睇0架都
89.Visual Rock yeah, L'arc~en~ciel!!! 不過佢地唔當自己係visual... 同埋仲有Glay呢
90.《寵物小精靈》pokemon??? 無乜興趣...
Sofina的Primavista的base就快用完