香港蘋果日報做了這個集體回憶...
本來每個item蘋果都做了小小的comment
不過這裡就不寫出來了
所有comments都是我的回憶...
*************************************************************************************
1.米高積遜（Michael Jackson）Michael Jackson的MV其實我無好認真地看過, 聽他的歌多
2.麥當娜（Madonna）10多歲時有一段時間十分迷《Crazy for You》這首歌, 可以連續repeat聽幾十次都不會厭, 還十分喜歡看《In Bed with Madonna》
3.譚詠麟呀娘是他的fans, 我嘛... 沒啥感覺
4.張國榮永遠做呀二, 被譚詠麟騎住, 時常為他感到不值... 知道他自殺死了那天我上班也是在魂遊太虛的, 太震撼了吧
5.梅艷芳和呀娘一起跟她本人說過話, 沒有一丁點架子, 在那之後幾年再在某食肆遇上, 她竟然還認得呀娘, 還主動過來打招呼
6.周潤發也是一點架子也沒有, 某年和家人親戚飲完茶, 剛巧碰上他在拍戲, 跟他拍照時笑得比我們還燦爛
7.《430穿梭機》最喜歡看就是當年在這個時段播的《叮噹》, 當然唔少得周星弛, 重有"遊飛機河"同埋每年暑假的《共享陽光》
8.Beyond《喜歡妳》, 重有《歲月無聲》"千杯酒已喝下去都不醉, 何況秋風秋雨..."
9.五福星好好笑0架, 呢個我記得
10.《省港旗兵》套戲都好似有睇過, 係咪AK47呀
11.《打電話問功課》當時我都成日睇0架, 仲有試過打電話去問, 不過就唔係播出街0個段時間
12.五台山有聽過, 有記憶, 不過無去過
13.五虎將當年唔係有套劇叫《五虎將》咩?
14.開心少女組記得《開心鬼》好好笑0架, 最記得羅明珠想得到開心鬼幫助考中史 (因為開心鬼係清朝人, 應該非常熟悉清朝發生的事), 開心鬼就附在一條麻繩入面, 咁羅明珠就好似帶腰帶咁帶條麻繩入考場, 個先生睇見問佢做乜綁住條麻繩, 佢話佢想咁樣減肥...
15.《皇家師姐》有d印象, 打得好勁嘛
16.《三個小神仙》那時都有常常聽的, 因為在家不是看電視就聽收音機啦, 不過detail就沒有印象
17.Cyndi Lauper最記得她傻大姐癲癲喪喪, 同埋佢首《Girls Just Wanna Have Fun》
18.陳百強鬱鬱寡歡, 無辦法, 完美主義者, 好難快樂
19.B.M.X.當年B.M.X.真係好勁喎
20.明菜鬥聖子只記得中森明菜割脈自殺過嘛, 當時我仲係細, detail唔太清楚, 不過我呀哥勁鍾意中森明菜, 但我覺得她有點醜... 至於松田聖子就記得佢當年首"pure pure lips"
21.Duran Duran當年TVB音樂節目都很常播他們的歌, 細細個時都有聽過幾隻0架, 不過唔記得d歌名lu
22.Wham!呢個反而印象幾深, 《Last Christmas》差不多被我聽到爛... 當年George Michael同Madonna有拍過拖嘛
23.史泰龍肌肉男, 無乜興趣... 佢好似成日有支機關槍
24.CheckersCheckers當年都好hit呀, 淨係記得d格仔衫褲, 佢地乜樣就唔知... 到知道《True Love》才知藤井フミヤ是當年Checkers的其中一個member, 上年在六本木山還看到過他真人...
25.Culture Club嘩, 當年CC勁hit呀, Boy George扮女仔又唔會令人覺得嘔心, 首《Karma Chameleon》我到現在還覺得十分精彩... "Every day is like a survival. You're my lover not my rival..." 嘩, 正呀!
26.《好時代》好老實, 呢個真係無乜印象, 我到好後期先至知道係乜...
27.《殭屍先生》呢個又係經典, 我當年都好鍾意睇0架, 最鍾意睇林正英劃符
28.林憶蓮611呀嘛
29.Raiduswow, 當年同達明太極一齊鬥
30.《英雄本色》我無做大佬好耐喇...
31.《 I like chopin》"傢私舖" (Gazebo)呀嘛, 當年個MTV好正0架, 兩女爭一男, 其中一個女的(就係個男唔鍾意0個個)將另外一個(就係個男鍾意0個個)殺了, 然後嫁禍俾個男
32.《小男人週記》套戲有睇呀, 不過套廣播劇就聽d唔聽d
33.《大地恩情》原來是打《輪流轉》, 不過我當年無睇過...
34.羅文、甄妮d合唱歌都好正, 呢d先叫唱歌囉...
35.《龍鳳呈祥賀台慶》龍隊鳳隊呀嘛
36.小柏林有印象, 不過我對細路無興趣
37.蔡楓華呢個經典, "蔡燶華" 仲正! 據聞佢首《倩影》係佢自己寫俾戚美珍0架, 個MTV仲搵埋戚美珍做0添, 但係呀蔡先生d懶音勁到呢...
38.史匹堡《Indiana Jones》好好睇, 雖然現在一點印象也沒有
39.《我係小忌廉》我重有個大結局個錄影帶呀, 不過無機睇lu, 當年我成日repeat睇0架, 大結局裡面講小忌廉開最後一場演唱會, 所以唱0左好多首歌, 係日文喎, 我首首都可以跟住唱0架
40.周星馳《蓋世豪俠》、《他來自江湖》、《孖仔孖心肝》... 前兩日先至在youtube看了一些《他來自江湖》, 仍然好正... 周先生都係做電視那段時間最好睇 (即係80年代啦...), 早期拍的電影都ok, 不過《食神》開始我已經覺得唔好笑, 《喜劇之王》同埋《少林足球》簡直覺得好悶
41.關正傑就係企係度唱歌
42.《追女仔》系列《精裝追女仔》好好笑0架, "收縮水"呀嘛
43.翁美玲佢死時我仲以為係假0架, 重問呀娘係咪拍戲...
44.民主歌聲獻中華其實呢, 呢個係咪即係大型演唱會?
45.阿諾舒華辛力加又係肌肉男, 我唔0岩0架喎。
46.《壯志凌雲》wow, 《Top Gun》, 之後香港有拍過一模一樣0既戲, 係"一模一樣"呀, 劉德華、關之琳同埋苗僑偉做0架
47.《富貴迫人》3集都有睇, 好好笑~
48.《季節》媽打當年都有追0架
49.軟硬天師嘩, 唔好講笑, 呢個我到而家一樣buy... 當年好迷0架
50.《警察故事》當年0既大哥又確係勁0既
51.《香港 81?》當年都真係晚晚睇0架, "銀禧小食店"同"飛沙走奶"呀嘛
52.《勁舞》Flash Dance嗎??? 套戲睇過幾次
53.《IQ博士》呢套係當年星期日早上播0架嘛, 我都好神心個個禮拜起身睇0架
54.《靚妹仔》套戲係好似有睇過, 不過印象好模糊lu
55.達明一派當年同Raidus都咁hit, 好記得《你還愛我嗎》隻MTV係抄Air Supply隻《Making Love Out Of Nothing At All》隻MTV, 係抄足呀, 個男主角係嚴秋華嘛
56.碧麗宮 VS麗宮呢d唔係好熟喎
57.《足球小將》戴志偉呀嘛, 一球波踢成集
58.Shoulder Pad係呀, 係呀, 呢個當年好興0架, 不過我覺得好核突囉...
59.萬梓良哈哈哈哈, "So what", 同埋"三個人一條命"、 "最緊要係一家人整整齊齊"
60.安全地帶正, 隻《悲しみにさよなら》連當年唔識日文0既我都可以跟住一字不漏地唱, 而家依然覺得佢地d歌好好聽
61.鍾楚紅當年見到周潤發拍戲咪就係同鐘楚紅囉, 佢都好nice呀, 跟我們影相有晒pose呀
62.葉子楣呢個梗係記得啦, 當年應該無人不識吧
63.《最佳拍檔》雖然有睇套戲, 不過當時太細個, 無乜記憶lu
64.雜誌送海報當年d電視書細細本, 幾好睇0架, 有海報又有書籤, quality幾好0架, 好似有時會有埋個明星簽名0添(印上去)
65.賭劇成風《賭神》好正0架, 龍五呀嘛, 仲有成套戲最尾最尾句對白係劉德華同埋周潤發一齊講"剪你0架"... 之後0既《賭聖》都好好笑
66.格鬥卡通呢d我唔0岩喎
67.《盡訴心中情》白姐姐呀嘛, 成日叫人離婚, 仲有個男主持叫羅山
68.王祖賢當年都幾靚0架, 又夠高呢
69.鍾保羅當年佢張遺容相大大張登0係報紙頭版, 好恐怖...
70.《地球大合唱》我到而家都仲記得
71.近藤真彥髮型matchi cut呀嘛, 當年不論男女都照"剷"
72.張曼玉咦, 我覺得佢成熟d靚d喎
73.霹靂舞當年好多人都曉轉番兩下背0架
74.Air Supply無得頂... "I'm so lost without you..." 嘩...
75.林志美當年0既少男殺手
76.《義不容情》摺幸運星我都有跟過摺0架, 不過摺來摺去都摺得唔靚, 之後就無玩lu
77.搖搖、扭計骰大賽當年邊個屋企無呢兩樣0野?
78.麥當勞急口令廣告"雙層牛肉巨無霸, 醬汁洋荵夾青瓜, 芝士生菜加芝麻, 人人食過笑哈哈" 當年差不多人人都識唸0架, 不過我就無參加過
79.新藝城電影公司當年都真係好出名0架
80.著名填詞人林振強、林敏驄其實仲有鄭國江, 不過可能呢個當係70年代?
之前用過卵肌的洗面膏 (沒有落妝功能的) my link
