電車男電視版 (3)

看完電車男後第一個感覺就是網絡是拉近還是拉遠人與人之間的距離呢?

可能是天生
又或者再加上許多外在因素
我從小到大在家中都不是開籠雀
有甚麼事情都只會跟朋友講
自從有了internet
在不同機會下認識了一些所謂網友
有時我有甚麼開心不開心
如果沒有機會跟朋友說
我就會跟素未謀面的網友說
有時甚至說得比跟自己的朋友更深入
而他們也會問我意見
甚至向我訴苦

感覺是很奇怪
跟陌生人反而會無所不談
當然我不是對所有陌生人都可以暢所欲言

有很多人會覺得互聯網的出現會拉遠人與人之間的距離和關係
但看電車男和他的網友
他們雖然各自身在不同地方
來自不同階層
但感覺就很親近
甚至比自己的家人更親近

這是不是很茅盾, 很奇怪呢?

電車男電視版 (2)

終於看完電車男啦
當然是大團圓結局啦
不過我覺得最終回拖得太長喇

這個世界上真的有那麼單純/純情的人嗎?

電車男電視版 (1)

昨晚本來想放一個flash player在blog上可以聽歌
但這個對很多人來說是易如反掌的事情對我這個pc idiot來說簡直是件天大難事
過去幾天已看過很多相關info
但昨晚弄了很久都仍然不成功
而且望著個mon太久我個腦和對眼已很疲累
所以開始看電車男電視版

看了兩集
很搞笑呀!!!
尤其是各網友對男主角的回應
無聊的和有建設性的共冶一爐
雖然全部都是素未謀面的網友(兼身在不同地方)
但比起男主角的家人
陌生人更能夠令男主角鼓起勇氣去打電話給女主角
感覺無奈但現實就是這樣

男主角伊藤淳史不算很醜
劇內的他是23歲
至少不是皺皮亞伯
我覺得他是"年青版黎彼得"
當然他比黎彼得"四正"一點
其實他只是比較害羞和內向
絕對不是甚麼醜男
我覺得他的兩個同伴和有幾個他的網友更騎呢和三尖八角
他後來剪短頭髮之後連"似黎彼得"的感覺也減少了

至於女主角伊東美咲
我覺得都ok
但對我來講就並不是所謂"天仙咁靚"
她某些角度看來很像中山美穗
之前看過的"ランチ女王"也有她
角色性格截然不同
我比較喜歡"ランチ女王"內活潑的她

很多人拿這劇與"101次求婚"相比
選角方面當然"101次求婚"的對比較大
男主角比電車男的更醜更老
女主角就比Hermes小姐更靚更高貴(尤其那對水汪汪的眼, 而且彈大提琴時又很有型)
但我覺得又不能這樣比較
畢竟劇種不同嘛

聽說真的電車男和Hermes小姐會共諧連理
祝福他們呀!!
不知道"本物"是甚麼樣子呢?

黃霑書房

從友人的blog看到為霑叔而辦的展覽"黃霑書房"的照片
真的很想親身去參觀一下
估不到霑叔人去了
連辦個展覽也無noise

我記得有天放工回家
老豆指著收音機話有黃霑
我還以為他來了加拿大
原來是他不在了

一直對他沒有甚麼特別感覺
但看過他主持的"江山如此多fun"的遊戲節目
他對所有中國文學和詩詞歌賦之了解和認識之深
真的令我很佩服
可以看得出他真的是滿肚墨水
並不是為了應付一個節目而充的大頭鬼

我們三字頭的年代

我們

主唱：草蜢
作曲：王雙駿
填詞：林夕
編曲：王雙駿

一句接一句　
一對接一對
誰的流行曲　
現在已經幾多歲
舊時某某拍著拖　
脆弱到聽失戀心碎

一句中一個　
我們是一夥
如果流行曲　
就像日子的經過
就如你我愛甚麼　
配樂也扣上那些歌

我們　
有歌曲作伴
一起也一貫　
從來都不說你們
就如我們　
總拒絕沉悶
就是有不滿　
總會找到心愛那一半

一個結婚了 ya~
一個上班了　
也未算妖
唯一流行曲　
活在腦海改不了
但求永遠發著燒　
看望要跳舞有多少

at17：如今我長大了　
如今我不寂寥
如今理想未了　
如今我妄想草蜢跟我鬥妖

我們　
有歌曲作伴
(at17：如今我長大了)
一起也一貫　
從來都不說你們
(at17：如今我不寂寥)
就如我們　
似歌曲一般從來是我伴
(at17：如今理想未了)
總會找到心愛那一半
(at17：如今我夢中找到心愛那一半)

*********************************************************

最近林海峰和草蜢的出現
就好像將時光倒流20年般
一齊集體回憶80年代
其實那段時間對我來講絕對不是最值得懷念的
相反我到現時為止最痛苦的日子都是在80年代尾90年代初
不過唯一比現在好的就是當時的我有大把青春

"喂三字頭　日日在回憶八十貪新戀舊" (三字頭by林海峰)

其實我們這些70年代出生的人現在就懷緬過去
是否早了些?

理想國度

昨天在公司寫信時發覺離我不遠處有個地方叫Utopia
我從來無想過這個世界上竟然有個地方會用這個名字來命名
這個名字對我來講太不真實喇
我很想知道決定起用這個名字的那個人(或那些人)的想法
是否希望那個地方會好像所謂的utopia一樣完美呢?

但我不敢亦不會相信這個世界上會有真正的烏托幫

把utopia譯做烏托幫的人亦很有趣
竟然可以將3個無喱拉更的中文字去成為完美地方的中文名

世にも奇妙な物語~~2005春の特別編

尋日睇完"世にも奇妙な物語~~春の特別編"
好好睇呀
我好鍾意睇呢d短篇而有特別或古怪題材0既劇
今次5個故事各有特色
5個都好吸引

「倦怠期特効薬」　ユースケ・サンタマリア

「幻の少年」　黒木瞳

「あなたの物語」　小西真奈美

「美女缶」　妻夫木聡

「密告ネット（チクリネット）」　鈴木杏

***********************************************************************

「倦怠期特効薬」笑中有淚
ユースケ・サンタマリア俾我0既感覺就好似黎耀祥
最適合做呢d平凡小人物
有小小搞笑又有小小溫馨
其實我一早估到個結局
但仍不減要我追看落去0既吸引力

「幻の少年」亦令我感動
事業和BB應該如何抉擇呢?
現今好多事業型女性
有部分會害怕生BB後會影響工作
其實要點樣平衡都係要睇自己

「あなたの物語」入面個女仔好似山口智子
好多人都想預知未來
可惜如果未來不如自己所願的話
去勉強改變就會害死自己
如果係咁
我寧願乜都唔知
所以我唔會去睇相
就算係100%準都好
知道之後又如何呢?

「美女缶」可以令就算係奇貌不揚0既佬都可以坐擁n個美女
不過同罐頭一樣係有期限
最初奇怪點解配妻夫木個女仔咁老
答案原來好簡單...

如果真係有「密告ネット（チクリネット）」的話
我相信會日日塞爆個site
呢個世界好多人好口疏同埋鍾意爆陰毒嘛
呢個故事俾我其中一個message就係最緊要睇清楚instructions同埋rules
否則後果嚴重呀!!

千杯不醉

尋晚發夢
自己變成一個做電影幕後的新仔
拍戲過程搞笑
可惜已經忘記detail
淨係記得有吳彥祖

我: 你套"千杯不醉"好無睇呀? 隻dvd值唔值得買?
吳: 我唔知呀, 我都未睇...
(過了不久)
吳: (唔記得講開乜)... 我無聽到呀...
我: 0下... 你落舞廳??
(跟住俾成班工作人員笑)

噢, 咁究竟"千杯不醉"好唔好睇呢???

變幻才是永恆

尋晚分別同兩個香港friend一個local friend用msn同埋icq chat
傾到成4點幾
正如我上面個description所講
佢地各自都已經展開自己的新一頁
呢排好多朋友無論在生活上或工作上都有不同程度的轉變
希望佢地個個都有個bright future啦

毛孔大大

尋日去買skincare
個sales姐姐介紹IOPE收毛孔精華俾我試
仲有另外一隻雪山水洗面jelly
都係有收毛孔功能
希望承佢貴言
我d毛孔會慢慢收細啦

Jam Films短片過招

今日行街見到有部日本電影由7個短片組成
令一向唔係咁熱衷睇電影0既我有d好奇
每個短片只有14-15分鐘
其實都幾考功夫呀
15分鐘內要交代晒成個故事0既來龍去脈
少d功力都搞唔掂

《the messenger》
導演：北村龍平
演員：魚谷佳苗, 北村一輝

《Kendama》
導演：筱原哲雄
演員：山崎正義、篠原涼子

《Cold Sleep》
導演：飯田讓治
演員：大沢隆夫、角田智美

《HIJIKI》
導演：堤幸彦
演員：佐佐木蔵之介、秋山菜津子、高橋愛、氏家惠

《Pandora –Hong Kong Leg–》
導演：望月六郎
演員：吉本多香美、麿赤兒

《JUSTICE》
導演：行定勳
演員： 妻夫木聰、綾瀬遙香

《ARITA》
導演：岩井俊二
演員：廣末涼子

(info from: http://filmsoc.net/tc/info/story.asp?ContentRecordID=136)

《the messenger》唔係送任何0野
佢一出現就係要你死
就好似勾魂使者

我最鐘意《Kendama》
簡簡單單
唔係你0既就算到0左你手都一樣唔屬於你

《Cold Sleep》好怪
話地球人太聰明所以先至令地球毀滅
所以要培育d蠢人喎
個concept好古怪

《HIJIKI》有頭威無尾陣
本來發展得好地地
但個結局太一般喇

《Pandora –Hong Kong Leg–》有d心理變態/病態
本來有病去求醫
點知從療程中得到享受
到最後想由無病變有病

我覺得《JUSTICE》最主要係講d日本仔有幾鹹濕...

《ARITA》都唔錯
好多人心裡面都可能有一隻類似arita的小精靈陪伴成長
小精靈會出現0係任何類型0既紙張上
有生命但又唔會騷擾人
但其實arita究竟係咩黎呢??

懶音

前幾日睇報紙話會有個最新中文輸入法叫"懶音"
聽說香港越來越多人講說話有懶音
我其實都唔係咁清楚自己有無
反而會知道人地有無(聽人地總係比聽自己容易好多)

我覺得廣東話係好奇怪
我們從小學廣東話(中文)都係聽見老師(或者家人, 或者電視電台)點讀
我地就照住讀
但係唔係讀得完全正確呢?
呢樣就好似無一個標準
不同於英文, 普通話(大陸&台灣), 日文, 韓文, 同埋d歐洲語文
我們沒有自小去學拼音
我甚至連廣東話有無一套標準拼音也不知道...
所以有些字係有n音定係無n音呢(即係牛係ngau定係au呢?)
有好多人都唔理
曾經讀過陶傑的文章
佢話廣東話係無"ch"開頭的(或者係無h呢個音, 不論開頭的係c, 定係j)
即係"沖涼"係"cung"涼而唔係"chung"涼
跟住我就開始留意香港演員同埋歌手的發音
發覺真係有好多人讀錯(而家一聽見呢d懶音我就會周身唔聚財)
我諗如果廣東話有一套拼音標準
而我們又自小有去學的話
我地就應該唔會有"痕身銀韓"呢d笑話

我唔係對好多語文有認識
但我想不到有其他語文跟廣東話一樣
我們自小無標準拼音學之餘
仲時不時有d正音出現
令我開始對我原本應該係好熟悉0既廣東話變得異常陌生

南韓演員現象

上網無聊去到一個chatroom
有一個topic係關於大長今其中33位演員的背景
我發覺有一個特別現象
就是不論這33位演員是主角又好配角又好
是後生又好是老都好
大部分(超過9成)都係大學畢業
當中大部分是修讀關於戲劇的學科
而且差不多全都是在韓國畢業的
我覺得這個現象很好
我不知在韓國讀大學是不是很普遍
但他們並沒有因為要忙著演戲而荒廢學業
又或者因為進入娛樂圈而放棄讀大學
我並不是說讀過大學就威d
但至少他們對演戲和戲劇會有一定的認識和專業
唔係求求其其就走去做戲

3個星期內3度去Niagara Falls

對我來講絕對係一個紀錄
今次係夜晚去(第一次)
所以感覺跟之前兩次稍有不同(否則一定悶死)
而且今次係同d朋友去
所以所經的地方跟上兩次有少許分別

夜晚去睇瀑布其實唔係咁清楚
因為唔夠光
所以好黑又好矇
唔係太感受到d水衝下去那種勁度
不過因為有不同顏色的燈射向瀑布
而且顏色會不停變動(由單色至七彩都有)
跟在大白天睇係完全兩回事

朋友說瀑布的水細了(其實都很勁)
我也有同感
因為我十二年前第一次去的時候
看完瀑布全身很濕
因為d水實在太猛
企在水邊都會被衝下去的水弄得很濕
今次雖然都有濕
但已經無第一次咁勁喇

這天我們最大貢獻就係為Starbucks改了個中文名~~星輝... ^_^

煲完大長今啦

尋晚終於煲完大長今啦
估唔到我呀爹呀娘仲比我更加沉迷呀

本來覺得崔尚宮(伍詠薇呀...)唔死都無用
但佢最後講到生在崔家那樣的家庭
佢都無第二條路揀
雖然呢個唔應該係藉口
但係有時好多事真係由環境造成
自己生在呢個咁0既家族內
唔通真係一走了之咩...
不過咁多壞人都無一個要坐監
都幾仁慈喎

金瓶梅

昨天我的東歐同事問我有無看過金瓶梅
我說無
她覺得很驚訝
我答的時候都覺得很不好意思
畢竟是中國名著
難怪她會覺得奇怪

她當然不是看中文版啦
是看Serbian文的
她說有很多露骨內容已刪減
原來這書是她媽媽在18歲時買的
即是大概50年代
估唔到當時已經有外語版啦喎...

Kidult

Kidult本是形容中年男性
但我覺得亦可以apply落女性
我不否認我是kidult
潛意識中不願長大

記得我小時候常常跟家人親戚去澳門玩
一年至少一次
去澳門大人當然去賭場
我這些一看就知道未夠秤的
莫說入去
就連在門口留連都會被那些看門的叫我去第二度玩
所以都是跟媽咪在附近的街逛逛
又或者食0下甜品
所以那時很希望快些到18歲
我便可以入賭場了(很低能呀)(當然除了入賭場外還有很多事可以做...)

但現在剛好相反
完全不想長大
其實在初入大學那段時間
我覺得是時候令自己思想變得更加成熟
不要那麼幼稚
但朋友對我說不要太勉強自己喇, 順其自然吧
但想不到自己到了這個年紀
竟然還停留在思想幼稚階段

************************************************************************************

KIDULT標準像

(1)不願追隨主流，不甘心在既定框框內生活，率性而為，做自己喜愛的事情，忠於自己；

(2)永遠保持好奇心、反權威心態，如同《皇帝的新衣》裏那個小孩；

(3)個性易沉迷，很可能有收藏癖，比如Nike球鞋、可口可樂罐、芭比娃娃等，甚至將興趣與工作結合，如開模型店、玩具店、做創作人等；

(4)喜歡穿戴T恤、牛仔褲、波鞋和Swatch手錶；

(5)看《Wired》雜誌、聽iPod、玩PSP遊戲；

(6)看電視時，總是不由自主地停在《櫻桃小丸子》而不是財經時評；

(7)熱愛《加菲貓》、《麥兜》、《哈裏·波特》並奉若經典；

(8)在SONYGALLERY門前無法挪步，迷戀於點頭撒嬌的機器小狗，連美女走過也無動於衷；

(9)可以為了夢寐以求的玩具一擲千金，但卻不會像別人一樣忙著供車供房。

來源：東方早報

荷蘭豆

今日知道原來某歌手的老豆係我朋友中學的呀sir
佢有個花名叫"荷蘭豆"
呢個花名真係好樣衰呀...

2004年海洋省之旅 up!!

又放多一個遊記, 係上年8月去海洋省...

2004年海洋省之旅

Niagara Falls鳥瞰圖

調轉睇清楚d, 不過都係地面上睇靚好多... (from Google Maps)

唔知好嬲定好笑

今日聽電台新聞
其中一則最尾係形容一些疑犯特徵
其中一樣係:

經常0係多倫多市出現

我幾乎笑到收唔到聲
我都係"經常0係多倫多市出現"喎...

********************************

上網睇太陽報
娛樂新聞其中一則頭條係:

釜山電影節揭幕
李炳憲妻夫撐場

咦, 乜李炳憲結0左婚咩???
佢老婆係邊個呀???
睇內文, 原來係李炳憲同埋"妻夫木聰"
嘩, 大佬, 人地係姓"妻夫木"0架!!!
又令我笑到收唔到聲(救命!!)

Falls in the Rain vs. Falls with a rainbow

上個禮拜去0左兩次Niagara Falls
第一次去落大雨
所以隔0左幾日再去過


第二次去仲影到雙彩虹0添呀!!!

déjà vu

déjà vu = The illusion of having already experienced something actually being experienced for the first time. An impression of having seen or experienced something before. (from answer.com)

我由細到大都有呢種illusion
最記得讀大學有次exam
寫寫0下答案突然有呢種所謂0既illusion
當時雖然覺得震驚
但隻手就完全不受影響
仲好似裝0左摩打咁一路係咁寫
當時我就覺得原來全部0野冥冥中真係有主宰
之前其實諗住轉科(因為太難讀)
但後來選擇繼續堅持
原來好多0野係一早已經安排好晒

鄭中基 X 何韻詩

最近比較喜歡呢兩位歌手0既歌

鄭中基0既"我真的哭過"好正
其實撇開佢喪蒲喪溝女0既新聞(or緋聞?)
鄭中基係一個好稱職0既歌手
唱歌把聲好舒服
尤其翻唱"愛是最大權利"
比原唱者又或者其他翻唱者有過之而無不及

一直都很喜歡聽何韻詩d歌
我覺得佢把聲好特別(我最怕雞仔聲)
佢把聲唱任何類型0既歌都好match
我近期超級喜歡"勞斯‧萊斯"
初聽以為係講同性戀
但睇過歌詞之後就有d confused
不過anyway, 最尾0個幾句寫得好好:

永遠的忍耐　
永遠不出來　
世界將依然不變改
只會讓更多罪名埋沒愛

我唔係好明白點解d人要反對同性戀
基本上呢個只係選擇同埋喜好問題
人地一生出來(又或者中途變節)就係鍾意同性
咁又有咩辦法呢?
我唔係同性戀者
我唔理解點解會鍾意同性
不過唔理解歸唔理解
人地要有咁0既選擇我亦唔會去阻止(亦無權無理由去阻止)
點解係要唔俾人去鍾意佢地自己鍾意0既0野?
就好似我本身係鍾意異性
硬要我去鍾意同性我都唔得啦
兩個人0既事
第三者有乜0野權去干涉?