令人滴汗的對話

電視新聞正在報導欖球賽

呀娘: 呢d係乜0野球呀?

我: 欖球嘛, d人個個都要攬住個波仲唔係欖球?

呀娘: 我仲以為係足球0添

我: 0下, 足球係踢0架喎, 邊可以用手掂個波0架

呀娘:  咁我以為係龍門呀嘛

老豆: 咁多龍門呀...  ^__^;

估你唔到

娘: 下一次播套劇好似幾好睇喎
我: 係乜0野劇呀?
娘: 我唔記得個名呀, 不過係呀... 呀... 呀任達華做0架
我: 任達華???!!! 台灣劇????
娘: 唔係呀, 香港0架
我: 亞視0架???
娘: 亞視?? 唔係呀...
我: 等我去睇0下本電視書先~~~

一睇~~~ 原來係"人間蒸發"!!!!!

我: 哎呀, 唔係任達華呀, 係苗僑偉呀!!!!!
娘: 0下, 都係差唔多0者
我: (點樣"差唔多"法呀????)

*************************************************************************

電視上播出"流星花園"片段

爸: 呢個係大S定係細S呀?
我: 大S
娘: 係咪即係結0左婚0個個呀??
我: (嘩, 咁犀利, 咁都知???) 唔係, 0個個係細S, 大S咪同呢4個裡面其中一個拍拖囉
娘: 係咪同高0個個??? (言承旭)
我: 唔係呀, 另外一個
娘: 同呀仔仔呀?
我: 嘩, 你竟然知道仔仔?????
娘: 0車, 仔仔都唔知????

呀娘, 真係估你唔到呀!!!

手指變長大法

有一日:

娘: 咦, 乜你隻食指長過隻無名指咁多0既?

我: 0下? 唔知呀, 由細到大我隻食指都係長過隻無名指0架啦

娘: 呀, 我知喇, 你梗係成日用隻mouse(中間個wheel)用得多, 所以隻食指咪變到咁長囉

我: ... (咁都得?)

陳E神 vs. 尹光

媽: 人人都話陳奕迅把聲好，邊度好0者，我就唔鍾意0勒！

爸: 咁叫做好？尹光好過佢都唔知幾多啦！

p.s. 以上談話內容純屬私人意見
並不代表本blog立場