0係youtube睇0左一小段"林海峰-是但up 踎低噴飯"
係講"超低能"同埋"勁搞笑"
同埋唱片尾曲
林先生又一次親身示範乜0野叫做"talented"
雖然自己年紀唔細
但都有類似0既口頭禪
當我見到或聽到d覺得好好笑0既畫面或者說話時
我都會一面笑一面講"哈哈哈, 好低能呀"
其實意思唔一定係0個樣0野真係好低能
有時我講0既所謂"低能"只係等於"好笑"
有時我又會講"好搞0野"
都係差唔多意思
******************************************************
片尾曲係改自古巨基0既"勁歌金曲"
加上"歡樂今宵"式0既改編歌詞
都好搞0野0架 ^_^
買餸 最驚孔雀石綠 食咗有毒魚頭
行氣活血不過就會嘔
要合併 就買地鐵 股價實有得升
減價好難頂 加價比人炳
360 昂平有360
郁郁吓會停咗 自由行繼續坐
全靠栢芝的勇氣 愛是最大權利
睇吓霆鋒幾偉大 秘密去結婚瞞埋屋企
唔會有拉姑撐你 婚姻點算係完美
但你睇下四哥 闊佬都懶理
通處亦禁煙 冇得chur你仲掂唔掂
成棚立法會議員 反吸煙 唔戒煙點去食店
人民幣 係最威
就算冇咗港紙 消費冇問題
買野又唔貴 應該多消費
香港最～抵 零團～費
我態度唔曳 陪住你睇
一蚊冇賺過 死比你睇
自訂I Love You 投牌求其就百四萬
紅顏知己三千幾個 送禮佢邊有得慳
我說過我有壓力 望阿叔教教我點解決
巴士嘅問題 仍然未解決
斷背山 李安攞奬佢係唔係最勁
其實我 就覺得伊莎貝拉培達至勁
但城城 但城城佢話有 父子
有對軟硬在紅館 唱到氣絕未回本
全憑人人認購 買我嘅T-Shirt幾款 來籌款
澳門賭場 新開嘅星際
請咗偉仔 兼職疊馬仔
魔鬼警察好狼 殺兩個同事搶走配槍
逐格重播 百萬富翁o既Rating更加高漲
去泰國 Woo…大家都找不到他信
嘆世界踎喺香港 買一堆手信
西甲意甲照舊 英超歐聯唔埋堆
有線冇做英超點睇佢
個個轉晒Now Keyman佢又想去
邊個大佬 扑濕俊仁
扑到右眼凸 扑鑊然後食老麥
外國啲雞 震震震 即刻通知 總幹事
佢叫雞珍 去0左世衛 應該會吔晒啲雞
其實林狗 唔係唔抖
係要賺一筆搵夠就遊埠
成日唔抖 全為層樓
一家四口都要靠我糊口
就算你笑我超低能 兼勁搞笑
我踎低時多得你肯笑
沒有留言:
發佈留言