子非魚

莊子與惠子遊於濠梁之上。

莊子曰：「鯈魚出遊從容，是魚之樂也。」
惠子曰：「子非魚，安知魚之樂？」
莊子曰：「子非我，安知我不知魚之樂？」
惠子曰：「我非子，固不知子矣，子固非魚也，子之不知魚之樂，全矣。」
莊子曰：「請循其本。子曰『汝安知魚樂』云者，既已知吾知之而問我，我知之濠上也。」

~莊子《秋水》篇

***********************************************************************

中學時睇見呢d文言文已頭痛
點讀都讀唔入腦
但偏偏只記得"子非魚，安知魚之樂？"呢一句

莊子同惠子互寸得幾正
你又唔係魚, 點知d魚開心呀?
咁你又唔係我, 又點知我唔知d魚開心呀??
好正!!
簡直就係互相"車輪子"(challenge)對方呀!!
如果惠子係包坳頸又無聊的話
就可能會繼續講"你又唔係我, 又點知我唔知你知d魚開心呀???" (頭都暈埋...)
噢, 就好似超級無敵獎門人咁駁落去

有時好多0野唔係樣樣都有個實質答案0既
有時都要講0下feel同埋直覺0既
我feel到d魚開心嘛
係咪唔得先???

我唔係好鍾意聽到"你點知呀?"呢條問題
如果係我自己講d 0野出0黎
你問我點知都情有可原
最把幾火就係人地問我0野
我答完然後就整呢條問題俾我
咁即係點0者?
問我又唔信我
唔信你咪鬼問我啦!!!
駛唔駛我答完仲要寫個report解釋我點知呀???

忽然間覺得莊子好有王家衛feel
明白d魚就好似梁朝偉同d面巾番鹼講0野咁
如果只係得莊子一個人
佢可能會同d魚講"你地游來游去, 好爽喎"