生日占卜

今日做了兩個占卜
兩個都是以生日日期來算
當輕輕鬆鬆玩玩都幾好呀!!

第一個 ~~ 你 呢 個 人 ...

書卷味十足，和譪可親，多愁善感，超級大頭蝦一名。
呢幾句都算全中
不過書卷味就未至於十足
只不過我一見到有字的東東(不論是書或雜誌或報紙或只是一張紙)都會去睇一睇
但有無耐性和興趣一直睇落去就好難講喇
而且睇完我好快又唔記得內容0架喇

活潑可愛，大受異性歡迎，幽默貪玩，多鬼主意，衰急功近利，適合從事行政人員一類身光頸靚行業。
頭四句唔清楚
要問問識我d人
我又唔係好覺自己急功近利喎
而且我返工鍾意著得隨隨便便喎

端莊賢淑，樂天積極，常擔當聚會搞手的角色。凡事想到便要去做，百折不撓。喜歡三五成群的出外遊玩；尤其怕悶和單調，要令家庭滿朝氣；對感情有時侯會三分鐘熱度。
我最怕做搞手呀
有人安排晒我淨係去玩就最0岩我(我個人懶嘛)
有時會係"凡事想到便要去做"
但大多數情況我都會先諗好多有可能發生0既後果
"出外遊玩"就鍾意"三五成群"
不過又最好唔好太多人
shopping買0野就鍾意一個人
呢part最中就係最尾一句

15號出世的你，完全老細格，喜歡支配其他人，性格倔強，獨斷獨行，少年得志，往往語無倫次。
我唔係咁鍾意做老細
太煩太多事要兼顧
我又驚蝕錢哩
我又唔覺自己鍾意支配其他人喎
不過呢樣要問問其他人先至知
我都幾獨斷獨行0架
我個人ego嘛
"語無倫次"就有
"少年得志"就唔覺喎
我都想"得志"呀!!

繼續第二個 ~~ 西洋占卜


"強烈自我" ~ 中!
"私下觀察" ~ 中!
"責任感強" ~ 都幾強0架
"不開心的時候不輕易會向人傾訴" ~ 中!
"很少說話" ~ 中!
"做事多多" ~ no喇...
"有豁達的情懷" ~ ok啦，唔算太豁達
"不會跟別人爭，完全靠自己實力！" ~ 全中!

不過最該煨就係代表人物係成龍...